Tantara ao amin’ny soratra masina
Toko 10: I Jakôba sy i Serema

Toko 10

I Jakôba sy i Serema

i Nefia manome ireo takelaka amin’i Jakôba

Mialoha ny nahafatesan’i Nefia dia nomeny an’i Jakôba zandriny lahy ireo takelaka nosoratany. Olo-marina i Jakôba.

Jakôba 1:1–2, 8

i Jakôba manoratra eo amin’ireo takelaka

Nolazain’i Nefia i Jakôba mba hanoratra ireo zavatra izay hanampy ny olona hino an’i Jesoa Kristy.

Jakôba 1:4–6

i Nefia mitsodrano an’i Jakôba

Nomen’i Nefia hery i Jakôba mba ho mpisorona ao amin’ny Fiangonana sy hampianatra ny Nefita ny tenin’ Andriamanitra.

Jakôba 1:18

i Jakôba mampianatra ny olona

Rehefa maty i Nefia dia maro tamin’ireo Nefita no lasa ratsy. Nampianatra ny olona i Jakôba ary niteny azy ireo mba hibebaka amin’ny zavatra ratsy nataon’izy ireo.

Jakôba 1:15–17

i Serema mampianatra

Nisy lehilahy olon-dratsy izay nantsoina hoe Serama nandeha teo anivon’ny Nefita ka nampianatra azy ireo tsy hino an’i Jesoa Kristy.

Jakôba 7:1–2

i Serema

Nambaran’i Serema tamin’ny olona fa tsy hisy Kristy izany. Maro ny olona nino an’i Serema.

Jakôba 7:2–3

i Serema mifanditra amin’i Jakôba

Nampianatra ny olona i Jakôba mba hino an’i Kristy. Te hifanditra tamin’i Jakôba sy handresy lahatra azy i Serema fa tsy hisy Kristy izany.

Jakôba 7:6

i Jakôba sy i Serema

Tsy azo nohozongozonina ny finoan’i Jakôba an’i Jesoa Kristy. Efa nahita anjely sy nahare ny feon’ny Tompo izy. Fantany fa ho avy i Jesoa.

Jakôba 7:5

i Jakôba mijoro ho vavolombelona amin’i Serema

Nomba an’i Jakôba ny Fanahy Masina rehefa nanambara ny fijoroany ho vavolombelona nanany momba an’i Jesoa Kristy tamin’i Serema izy.

Jakôba 7:8–12

i Serema mangataka famantarana

Nangataka famantarana i Serema. Tiany i Jakôba mba hanaporofo taminy fa misy Andriamanitra. Nitady ny hahita fahagagana izy.

Jakôba 7:13

Jakôba

Tsy nety nangataka famantarana tamin’ Andriamanitra i Jakôba. Nambarany fa efa fantatr’i Serema hoe marina ny zavatra nampianarin’i Jakôba.

Jakôba 7:14

i Jakôba sy i Serema

Nolazain’i Jakôba fa raha ataon’ Andriamanitra moana i Serema dia izay no ho famantarana ny herin’ Andriamanitra.

Jakôba 7:14

i Serema mianjera

Nianjera teo no ho eo i Serema. Tsy afaka nitsangana nandritra ny andro maro izy.

Jakôba 7:15

i Serema

Nalemy i Serema ary fantany fa ho faty izy. Nasainy nivory ny olona.

Jakôba 7:16

i Serema miresaka amin’ny olona

Nambarany azy ireo fa nandainga izy. Nolazainy fa tokony hino an’i Jesoa Kristy izy ireo.

Jakôba 7:17–19

i Serema

Rehefa tapitra ny tenin’i Serema tamin’ny olona dia maty izy. Nahatsapa ny herin’ Andriamanitra ny olona ka nianjera tamin’ny tany.

Jakôba 7:20–21

i Jakôba niaraka tamin’ny hafa

Nanomboka nibebaka sy namaky soratra masina ny olona. Niaina tao anatin’ny fiadanana sy fifankatiavana izy ireo. Faly i Jakôba ary fantany fa namaly ny vavaka nataony Andriamanitra.

Jakôba 7:22–23