Toko 29
mampianatra mikasika ny finoana sy ny tenin’ Andriamanitra i Almà
Nampianatra ny Zôramita momba ny finoana i Almà. Nilaza izy fa ireo olona izay mangataka famantarana mialoha ny hinoany dia tsy manam-pinoana.
Nambaran’i Almà fa ny atao hoe finoana dia mino zavatra izay marina kanefa tsy mahita maso izany.
Nazavainy fa ny finoana dia mitombo rehefa maniry ny hino sy hihaino ny tenin’ Andriamanitra ny olona iray. Nambolena tao am-pon’ilay olona ny teny, ary toy ny voa dia manomboka maniry izany.
Rehefa mianatra momba ny filazantsara ny olona iray dia mitsimoka sy mitombo hatrany ilay voa. Fantatr’ilay olona fa tsara ilay voa ary miha-matanjaka kokoa ny finoany.
Nilaza i Almà fa tahaka ny hazo iray mamoa voa tsara, ny tenin’ Andriamanitra dia mitondra fitahiana ho an’ireo olona manam-pinoana.