Toko 21

Ny Amlisita

I Amlisia dia lehilahy maraini-tsaina, ratsy fanahy izay naniry ho mpanjakan’ny Nefita. Betsaka ny mpanara-dia azy.

Almà 2:1–2

Tsy nanaiky an’i Amlisia ho mpanjakany ny Nefita marina. Fantany fa ny handrava ny Fiangonan’ Andriamanitra no notadiaviny.

Almà 2:3–4

Nivondrona tamin’ny antoko isan-karazany ny Nefita mba hisafidy raha tokony ho mpanjakany i Amlisia. Ny ankabeazan’ny olona dia nisafidy ny hanohitra an’i Amlisia, ary tsy lasa mpanjaka izy.

Almà 2:5–7

Lasa tezitra i Amlisia sy ireo mpanara-dia azy. Nandao ny Nefita izy ireo sy nametraka an’i Amlisia ho mpanjakany ary niantso ny tenany hoe Amlisita. Nandidy azy ireo hiady amin’ny Nefita i Amlisia.

Almà 2:8–11

Niomana ny hiaro ny tenany amin’ny tsipìka sy zanatsipìka, sabatra ary fiadiana hafa ny Nefita marina.

Almà 2:12

Nanafika ny Amlisita ary ny Nefita izay notarihan’i Almà sy nankaherezin’ny Tompo dia namono ny maro tamin’ izy ireo. Nandositra ny Amlisita sisa tavela.

Almà 2:15–19

Nandefa mpitsikilo hanaramaso ny Amlisita i Almà. Hitan’ireo mpitsikilo fa nitambatra tamin’ny tafika Lamanita lehibe izy ireo ary nanafika ny Nefita izay nipetraka tany akaikin’i Zarahemlà.

Almà 2:21, 24–25

Nivavaka ny Nefita ary nanampy azy ireo indray Andriamanitra. Namono miaramila maro tamin’ny tafika Lamanita-Amlisita izy ireo.

Almà 2:28

Nifanandrina tamin’ny sabatra i Almà sy i Amlisia. Nivavaka ho an’ny fiarovana ny ainy i Almà ary nanome hery azy mba hamonoana an’i Amlisia Andriamanitra.

Almà 2:29–31

Nenjehin’ny Nefita hatrany an-tany foana ny Lamanita sy ny Amlisita. Maro tamin’ireo naratra no maty tany ka nohanin’ny biby dia.

Almà 2:36–38

Tahaka ny Lamanita dia nanisy marika mena tamin’ny tenany ny Amlisita, izay nahatanteraka ny faminaniana iray. Nisaraka tamin’ny fahasoavan’ny filazantsara ny Amlisita.

Almà 3:4,14, 18–19