Toko 37

i Nefia sy i Lehia ao am-ponja

Zanak’i Helamàna i Nefia sy i Lehia. Tian’i Helamana ho marina tahaka an’ilay Nefia sy i Lehia izay nandao an’i Jerosalema izy ireo.

Helamàna 5:4–7

Nampianatra ireo zanany lahy mba hino an’i Jesoa Kristy i Helamàna. Nianatra izy ireo fa azo avy amin’ny finoana sy ny fibebahana ny famelan-keloka.

Helamàna 5:9–12

Nandeha nampianatra ny filazantsara tany amin’ny Nefita sy ny Lamanita i Nefia sy Lehia. An’arivony ny olona vita batisa.

Helamàna 5:14–19

Raha nandeha tany amin’ny tany Nefia i Nefia sy i Lehia dia nisy tafika Lamanita iray izay nanagadra azy ireo sy tsy nanome azy ireo sakafo nandritra ny andro maro.

Helamàna 5:20–22

Nandeha tany am-ponja hamono an’i Nefia sy i Lehia ny Lamanita saingy tsy nahavita izany izy ireo satria nisy faribolana afo iray izay niaro azy ireo ka nandoro izay rehetra nanandrana hikasika azy ireo.

Helamàna 5:22–23

Tsy main’ilay afo i Nefia sy Lehia. Niteny tamin’ny Lamanita izy ireo fa ny herin’ Andriamanitra no niaro azy ireo.

Helamàna 5:24–26

Nanomboka nihovitrovitra ny tany sy ny rindrin’ny fonja. Nisy rahona maizina nanodidina ny olona tao am-ponja ka natahotra izy ireo.

Helamàna 5:27–28

Nisy feo niteny avy eo ambonin’ilay haizina. Nalefaka tahaka ny bitsika ilay izy nefa nandre ilay izy ny rehetra.

Helamàna 5:29–30

Niantso ny olona mba hibebaka ilay feo ka hitsahatra ny hiezaka hamono an’i Nefia sy i Lehia.

Helamàna 5:29–30

Niteny in-telo ilay feo ary mbola nihovitrovitra ihany ny tany sy ny rindrin’ny fonja. Tsy afaka nandositra ny Lamanita satria maizina loatra ny toerana ary natahotra be loatra izy ireo.

Helamàna 5:33–34

Nisy Nefita mpikamban’ny Fiangonana iray izay nahita fa namirapiratra tao anatin’ny haizina ny tarehin’i Nefia sy i Lehia.

Helamàna 5:35–36

Nitraka nijery tany amin’ny lanitra i Nefia sy Lehia sady niresaka. Nasain’ilay lehilahy hijery ny Lamanita. Tian’izy ireo ho fantatra izay olona niresahan’i Nefia sy i Lehia.

Helamàna 5:36–38

Nolazain’ilay lehilahy, izay nantsoina hoe Aminadaba, tamin’ny Lamanita fa niresaka tamin’ny anjely i Nefia sy i Lehia.

Helamàna 5:39

Nanontany an’i Aminadaba ny fomba hanalana ilay rahona maizina ny Lamanita. Novaliany fa mila mibebaka sy mivavaka izy ireo mandra-pananan’izy ireo finoana an’i Jesoa Kristy.

Helamàna 5:40–41

Nivavaka mandra-pialan’ilay rahona maizina ny Lamanita.

Helamàna 5:42

Rehefa lasa ny haizina dia nahita andry afo nanodidina azy ireo ny olona. Sady tsy nandoro azy ireo no tsy nandoro ny rindrin’ny fonja ny afo.

Helamàna 5:43–44

Nahatsapa fifaliana lehibe ny Lamanita ary feno ny Fanahin’ Andriamanitra ny fon’izy ireo.

Helamàna 5:44–45

Nisy feo nibitsibitsika fa hampihononina izy ireo noho ny finoan’izy ireo an’i Jesoa Kristy.

Helamàna 5:46–47

Nijery mba hahita ny fiavian’ilay feo ny Lamanita. Nahita anjely nidina avy tany an-danitra izy ireo.

Helamàna 5:48

Teo amin’ny 300 eo ho eo no isan’ny olona izay nahita sy naheno izay nitranga tao am-ponja. Nandeha sy nitantara tamin’ny hafa izy ireo.

Helamàna 5:49–50

Nino azy ireo ny ankamaroan’ny Lamanita ka nanary ny fiadian’izy ireo.

Helamàna 5:50–51

Nitsahatra tsy nankahala ny Nefita intsony ny Lamanita ary naverin’izy ireo ny tany izay nalain’izy ireo. Lasa marina kokoa noho ny Nefita ny Lamanita.

Helamàna 5:50, 52

Maro ny Lamanita izay nanaraka an’i Nefia sy i Lehia ka nampianatra sy Nefita sy ny Lamanita.

Helamàna 6:1,6–7