Toko 17
mitsoaka i Almà sy ny vahoakany
Indray andro raha niasa teny an-tsaha ny vahoakan’i Almà dia nisy tafika miaramila niditra ny faritry ny tanin’izy ireo.
Natahotra ny Nefita ka nitsoaka nankany an-tanàna mba ho voaaro. Niteny azy ireo i Almà mba hahatsiaro an’ Andriamanitra ary dia ho ampiany izy ireo. Nanomboka nivavaka ny Nefita.
Nataon’ny Tompo ho malefaka ny fon’ireo Lamanitra ka tsy nandratra ny Nefita izy ireo. Very ireo Lamanitra raha niezaka ny hikaroka ny vahoakan’i Limia Mpanjaka.
Nampanantena ireo Lamanita fa tsy hanelingelina ny vahoakany izy ireo raha atorony azy ireo ny fomba hiverenana any amin’ny tanin’izy ireo. Natoron’i Almà azy ireo ny lalana.
Saingy tsy nitazona ny fampanantenan’izy ireo ny Lamanita. Nasian’izy ireo mpiambina manodidina ny tany ka tsy olona afaka intsony i Almà sy ny vahoakany.
Nataon’ny Mpanjaka Lamanita ho mpifehy teo amin’ny vahoakan’i Almà. Nefita i Amiolôna taloha ary iray tamin’ny mpisorona ratsy fanahy an’i Noà Mpanjaka.
Nataon’i Amiolôna niasa faran’izay mafy ny vahoakan’i Almà. Nivavaka izy ireo saingy nolazain’i Amiolôna fa hovonoina izay olona tratra mivavaka. Nanohy nivavaka tany am-pony ny olona.
Henon’ Andriamanitra ny vavaka nataon’izy ireo ary nampatanjahany ny vahoaka mba ho toy ny ho maivana amin’izy ireo ny asany. Falifaly sy nanana faharetana ny vahoaka.
Faly Andriamanitra fa nahatoky ny vahoaka. Nolazainy tamin’i Almà fa ho ampiany izy ireo hitsoaka ny Lamanita.
Nandritra ny alina dia nangonin’ny olona ny sakafon’izy ireo sy ny biby fiompin’izy ireo. Ny ampitso marainan’iny dia nataon’ Andriamanitra resin-tory ny Lamanita nandritra ny nialan’i Almà sy ny vahoakany ny tanàna.
Tonga tao Zarahemla ireo vahoaka rehefa avy nandeha nandritra ny 12 andro ka noraisin’ny Mpanjaka Môzià sy ny vahoakany izy ireo.