Toko 48
Fiadanana ao Amerika
Ireo olona izay nibebaka noho ny fahotany dia natao batisa sy nandray ny Fanahy Masina.
Vetivety dia niova fo daholo ny Nefita sy ny Lamanita. Tsy nisy nifamaly ary marin-toetra daholo ny tsirairay.
Tsy nisy olona nanan-karena na nahantra. Nifampizara ny zava-drehetra ny vahoaka ary nanana izay nilainy ny rehetra.
Nanao fahagagana maro tamin’ny anaran’i Jesoa Kristy ny mpianatra. Nanasitrana ny marary ary nahatonga ny maty ho velona indray izy ireo.
Nanangana tanàna vaovao ny vahoaka solon’ireo izay rava.
Nankato ny didin’ Andriamanitra izy ireo. Nifady hanina sy nivavaka ary nivory matetika mba hihaino ny tenin’ Andriamanitra izy ireo.
Faly ny olona.
Tsy nisy mpangalatra, tsy nisy mpandainga, tsy nisy mpamono olona. Tsy voazara ho Nefita sy Lamanita intsony ny vahoaka fa iray ihany izy rehetra, dia ny zanak’i Kristy.
Nitahy ny vahoaka tamin’ny zava-drehetra nataon’izy ireo ny Tompo.
Niaina tao anaty fiadanana nandritra ny 200 taona izy ireo. Lasa nanan-karena be ny vahoaka.