Toko 36
I Hagôta
Teo amin’ny 55 taona talohan’ny nahaterahan’i Jesoa Kristy dia an’arivony tamin’ireo lehilahy, sy vehivavy ary zaza Nefita no nandao ny tanin’i Zarahemla ka nifindra ho any avaratra.
Ny iray tamin’izy ireo izay nantsoina hoe Hagôta dia nanamboatra sambo lehibe iray ary nandefa izany tany amin’ny ranomasina andrefana.
Nefita maro no nandeha tamin’ny sambony sy nitondra sakafo sy vatsy.
Avy eo i Hagôta dia nanamboatra sambo hafa izay nitondra ny olona nankany amin’ny tany avaratra. Niverina ilay sambo voalohany ary naka olona maro kokoa.
Nisy sambo iray hafa nandeha. Tsy nisy niverina ireo sambo ary tsy fantatry ny Nefita na oviana na oviana ny zava-nitranga tamin’ireo olona ireo.