Toko 51
Nandeha ho any amin’ny tany nampanantenaina ireo Jaredita
Nandritra ny nitoeran’ny Jaredita teo amoron-dranomasina dia nanadino ny nivavaka ny rahalahin’i Jareda. Tonga tao amin’ny rahona ny Tompo mba hilaza azy mba hivavaka.
Nibebaka ny rahalahin’i Jareda ary nivavaka. Navelan’ny Tompo ny heloky ny rahalahin’i Jareda saingy nilaza ny Tompo fa tsy tokony hanota intsony ny rahalahin’i Jareda.
Nasain’ny Tompo nanamboatra sambo mba hitondrana ny vahoakany ho any amin’ny tany nampanantenaina ny rahalahin’i Jareda.
Natoron’ny Tompo ny rahalahin’i Jareda ny fomba hanamboarana ireo sambo.
Natao tery tsy tafiditry ny rivotraireo sambo mba tsy ahafahan’ny rano miditra ao anatin’izy ireo.
Nanontany tena ny rahalahin’i Jareda hoe amin’ny fomba ahoana ary no hahafahan’izy ireo miaina ao anatin’ireo sambo. Nanontany ny Tompo izy hoe inona no tokony hataony.
Nasain’ny Tompo izy mba hanao lavaka eo amin’ny tampony sy any amin’ny farany ambanin’ny sambo tsirairay. Azo sokafana ny lavaka mba hisian’ny rivotra miditra ary idina avy eo mba tsy hidiran’ny rano.
Niteny tamin’ny Tompo ny rahalahin’i Jareda hoe maizina ny ao anatin’ireo sambo. Nasain’ny Tompo izy mba hieritreritra ny fomba hahafahany manana hazavana ao anatin’ireo sambo.
Tsy azo atao ny manao afo na manokatra varavaran-kely mba hahazoana hazavana ao amin’ireo sambo satria ho simba izy ireo.
Nankany amin’ny tendrombohitra iray ny rahalahin’i Jareda ary nanamboatra vato kely 16 avy amin’ny vatolampy iray. Ohatra ny fitaratra mangarahara ireo vato. Nanamboatra vato roa izy ho an’ny tsirairay avy amin’ireo sambo valo.
Nentin’ny rahalahin’i Jareda nankeny an-tampon-tendrombohitra iray ireo vato. Teny no nivavahany tamin’ny Tompo.
Ny rahalahin’i Jareda dia nangataka ny Tompo mba hikasika ireo vato mba hitondran’izy ireo hazavana ao anatin’ireo sambo.
Nokasihan’ny Tompo tamin’ny rantsan-tanany ny vato tsirairay.
Noho ny finoana lehibe nananan’ny rahalahin’i Jareda dia nahita ny rantsan-tanan’ny Tompo izy. Mitovy amin’ny rantsan-tanan’olombelona ilay izy.
Avy eo dia nampiseho ny tenany tamin’ny rahalahin’i Jareda ny Tompo.
Nilaza i Jesoa fa ireo olona izay mino azy dia hanana ny fiainana mandrakizay.
Nampianarin’i Jesoa sy nampisehoany zavatra maro ny rahalahin’ i Jareda. Nasainy nosoratany ny zavatra efa hitany sy reny.
Nentin’ny rahalahin’ i Jareda nidina ny tendrombohitra ireo vato. Nasiany vato roa avy tanaty sambo tsirairay: nasiany iray avy teny amin’ny tendrony avia sy havanana anatin’ny sambo. Nanazava ny tao anatin’ny sambon’izy ireo.
Niditra tao anatin’ny sambo ireo Jaredita niaraka tamin’ny bibin’izy ireo sy ny sakafon’izy ireo. Nasian’ny Tompo rivotra mafy be nitsoka ireo sambo ho any amin’ny tany nampanantenaina.
Narovan’ny Tompo izy ireo raha tao anatin’ny ranomasina manonja be. Nisaotra ny Tompo sy nihira fiderana ho azy izy ireo.
Afaka 344 andro teny ambony rano dia tonga teny amin’ny moron-tsiraky ny tany nampanantenaina ireo sambo.
Rehefa nivoaka ny sambo izy ireo dia nandohalika sy latsa-dranomasom-pifaliana.
Nanangana trano sy namboly teo amin’ny tany nampanantenaina ireo Jaredita. Nampianarin’izy ireo hihaino sy hankató ny Tompo ireo zanak’izy ireo.