Toko 26

Ny vahoakan’i Amôna

Nampianatra ny filazantsara ny Lamanita ireo zanakalahin’i Môzià. Lamanita an’arivony no nibebaka sy niditra ho mpikamban’ny Fiangonana.

Almà 23:4–5

Ireo Lamanita izay niditra ho mpikamban’ny Fiangonana dia niantso ny tenan’izy ireo hoe Antia-Nefia-Lehia na ny vahoakan’i Amôna. Olona tsara toetra sy mahery miasa izy ireo.

Almà 23:17–18; 27:26

Ireo Lamanita izay tsy nibebaka dia tezitra tamin’ny vahoakan’i Amôna ka niomana ny hiady amin’izy ireo.

Almà 24:1–2

Fantatry ny vahoakan’i Amôna fa ireo Lamanita ratsy fanahy dia ho avy hamono azy ireo saingy nanapa-kevitra izy ireo ny tsy hanohitra azy ireo. Efa nibebaka tamin’ny famonoan’olona izy ireo.

Almà 24:5–6

Nalevin’izy ireo lalina tanaty tany ny fitaovam-piadian’izy ireo ary nampanantena an’ Andriamanitra fa tsy hamono olona intsony izy ireo.

Almà 24:17–18

Rehefa tonga ireo Lamanita ratsy fanahy ary nanomboka namono azy ireo dia niankohoka tamin’ny tany sy nivavaka izy ireo.

Almà 24:21

Rehefa nahita fa tsy te hanohitra ny vahoakan’i Amôna dia maro tamin’ireo Lamanita ratsy fanahy no nitsahatra tsy namono azy ireo.

Almà 24:23–24

Nalahelo noho ny famonoana olona nataon’izy ireo ny Lamanita. Natsipin’izy ireo tamin’ny tany ny fitaovam-piadian’izy ireo ary nikambana tamin’ny vahoakan’i Amôna izy ireo. Tsy niady intsony izy ireo.

Almà 24:24–27

Mbola nisy Lamanita maro tonga hamono ny vahoakan’i Amôna. Mbola tsy te hanohitra ihany izy ireo ary maro no voavono.

Almà 27:2–3

Tsy tian’i Amôna ho fongana ny vahoaka izay tiany ka nivavaka izy mba hahazo fanampiana. Nilaza taminy ny Tompo hoe mila entiny miala ny tany ny vahoakany.

Almà 27:4–5, 10–12

Nomen’ny Nefita tao Zarahemla an’i Amôna sy ny vahoakany ny tanin’i Jersôna ary niaro azy ireo izy. Lasa mpinamana izy ireo.

Almà 27:22–23