Toko 6

Ny nofin’i Lehia

i Lehia sy ny fianakaviany

Nolazain’i Lehia tamin’ny fianakaviany ny momba ny fahitana manan-danja iray izay hitany tao anaty nofy. Nahafaly an’i Lehia ny amin’i Nefia sy i Samy ny nofiny saingy nampalahelo azy noho ny amin’i Lamana sy i Lemoela.

1 Nefia 8:2–4

i Lehia sy ny anjely

Tao amin’ny nofiny i Lehia dia nahita lehilahy iray niakanjo lava izay nilaza tamin’i Lehia mba hanarahany azy. Nanaraka an’ilay lehilahy tany amin’ny tany foana maizina sy ngazana i Lehia.

1Nefia 8:5–7

i Lehia mivavaka

Rehefa nandeha tao anatin’ny haizina nandritra ny ora maro i Lehia, dia nivavaka nangataka fanampiana.

1 Nefia 8:8

hazon’aina

Avy eo izy dia nahita hazo nisy voany niloko fotsifotsy. Io voankazo mamy io dia nanome fifaliana ho an’izay nihinana azy.

1 Nefia 8:9–10

i Lehia mihinana voankazo

Nihinana ilay voankazo i Lehia ary nofenoin’izany fifaliana izy. Tiany koa ny fianakaviana mba hanandrana ilay voankazo satria fantany fa hanome fahasambarana ho azy ireo ihany koa izany.

1 Nefia 8:11–12

i Saria, sy i Samy ary i Nefia mankeny amin’i Lehia

Nahita renirano nikoriana teo akaikin’ilay hazo i Lehia. Hitany teo amin’ny faran’ilay renirano i Saria, sy i Samy ary i Nefia.

1 Nefia 8:13–14

fianakaviana mankeny amin’ny hazo

Nantsoin’i Lehia ny vadiny sy ireo zanakalahiny mba ho avy sy hanandrana an’ilay voankazo. Nandeha i Saria sy i Samy ary i Nefia ka nanandrana ilay voankazo fa tsy nety i Lamàna sy i Lemoela.

1 Nefia 8:15–18

hanjam-by mitondra mankeny amin’ny hazo

I Lehia ihany koa dia nahita anjam-by sy lalana ety sy tery mankeny amin’ilay hazo.

1 Nefia 8:19–20

olona mihazona hanjam-by

Nahita olona maro maro be izy na nandeha teo na ho eo amin’ilay lalana. Noho ny zavon’ny haizina iray dia nisy sasany tafala tamin’ilay lalana ka very.

1 Nefia 8:21–23

olona mihazona hanjam-by

Ny sasany namikitra mafy tamin’ilay anjam-by ka nanavatsava ilay zavon’ny haizina ary tonga teny amin’ilay hazo. Nanandrana ilay voankazo izy ireo.

1 Nefia 8:24

olona mihinana voankazo

Noesoesoin’ny olona teny amin’ny trano lehibe iray teny am-pitan’ilay renirano ireo izay nihinana tamin’ilay voankazo. Lasa menatra ny sasany tamin’ireo izay efa nihinana tamin’ilay voankazo ka niala teo amin’ilay hazo.

1 Nefia 8:26–28

trano lehibe

Nahita olona maro i Lehia tao anatin’ny nofiny. Ny sasany namikitra mafy tamin’ilay anjam-by sy namakivaky ilay zavon’ny haizina ka dia tody teny amin’ilay hazo. Nanandrana ilay voankazo izy ireo. Ny sasany dia nankeny amin’ilay trano lehibe na nilentika tao amin’ilay renirano na lasa very. I Lamàna sy i Lemoela tsy nety nihinana tamin’ilay voankazo. Nitaintaina ny amin’izy ireo i Lehia ka niezaka nanampy azy ireo hankatò ny didin’ Andriamanitra.

1 Nefia 8:30–38