Toko 41

Ireo fambara ny amin’ny fahaterahan’i Kristy

I Nefia, zanakalahin’i Helamàna, dia nanome ireo rakitsoratra masina sy ireo soratra masina an’i Nefia lahimatoany.

3 Nefia 1:2

I Nefia dia nahita ireo fambara mahatalanjona sy fahagagana nambaran’ireo mpaminany fa hitranga mialoha ny fahaterahan’i Jesoa Kristy.

3 Nefia 1:4

Saingy nilaza ny Nefita sasany fa efa lasa ny fotoana tokony hahaterahan’i Jesoa. Nesoin’izy ireo ireo izay mbola nino ny faminanian’i Samoela ilay Lamanita.

3 Nefia 1:5–6

Ireo olona nino an’i Jesoa Kristy sy ireo faminaniana dia nalahelo raha nihevitra fa mety ho nisy zavatra nanakana ireo faminaniana tsy ho tanteraka.

3 Nefia 1:7

Niandry tamim-pahatokiana ny andro iray tsy misy haizina ny olona; izany no fambara fa ho teraka i Jesoa Kristy.

3 Nefia 1:8

Ireo izay tsy nino an’i Jesoa Kristy dia nisafidy andro iray hamonoana ireo mpino raha toa ka tsy mitranga ilay fambara.

3 Nefia 1:9

Nalahelo i Nefia noho ny faharatsian’ireo izay tsy nino ny Mpamonjy.

3 Nefia 1:10

Nivavaka nandritra ny manontolo andro ho an’ireo olona izay hovonoina i Nefia.

3 Nefia 1:11–12

Nampionona an’i Nefia ny Tompo sady nolaiziny azy fa tsy hisy haizina iny alin’iny. Ho teraka ny ampitson’io ao Betlehema i Jesoa Kristy.

3 Nefia 1:13

Tamin’io alina io dia nody ny masoandro saingy tsy maizina ny andro. Tonga ilay fambara ny fahaterahan’i Jesoa Kristy. Talanjona ny vahoaka.

3 Nefia 1:15

Ireo izay nanao tetika mba hamono ireo mpino dia nianjera tamin’ny tany; toy ireny hoe maty ireny.

3 Nefia 1:16

Natahotra izy ireo noho ny haratsiam-panahy nataon’izy ireo. Fantatr’izy ireo izao fa ho teraka ny Mpamonjy ary marina ny nambaran’ireo mpaminany.

3 Nefia 1:17–18

Nazava ny alina manontolo. Rehefa niposaka ny masoandro ny marainan’iny dia fantatry ny olona fa teraka tamin’io andro io i Jesoa Kristy. Tanteraka ireo faminaniana.

3 Nefia 1:19–20

Nisy kintana iray vaovao nipoitra teny amin’ny lanitra tahaka ny nilazan’ireo mpaminany azy mihitsy.

3 Nefia 1:21

Niezaka ny nandresy lahatra ny olona tsy hino ireo fambara efa hitany i Satana saingy maro tamin’izy ireo no nino.

3 Nefia 1:22

I Nefia sy ireo mpitarika hafa ao amin’ny Fiangonana dia nanao batisa ireo rehetra nino sy nibebaka.

3 Nefia 1:23

Nisy vaovao mahafaly teo amin’ny tany satria tanteraka ireo tenin’ireo mpaminany. Efa teraka i Jesoa Kristy.

3 Nefia 1:26