Toko 19
Lasa mpitory ny filazantsara ny zanakalahin’i Môzià
Nanan-janaka lahy efatra i Môzià: i Amôna, i Aarôna, i Ômnera ary i Himnia. Tafaraka tamin’i Almà zanany izy ireo rehefa nisy anjely niseho taminy.
Nibebaka tamin’ny fahotan’izy ireo ny zanakalahin’i Môzià ary nalahelo noho ny olana nataon’izy ireo. Fantatr’izy ireo fa marina ny filazantsara ary naniry ny hampianatra izany amin’ny hafa izy ireo.
Tsy nanaiky ho mpanjaka ny zanakalahin’i Môzià tsirairay. Saingy te ho mpitory ny filazantsara any amin’ny Lamanita izy ireo ary hizara aminy ireo fitahian’ny filazantsara.
Nivavaka i Môzià Mpanjaka mba hahafantarany raha tokony hamela ireo zanany handeha izy. Niteny taminy Andriamanitra mba hamelany azy ireo handeha ary dia ho voaaro izy ireo. Betsaka ny Lamanita izay hino ny fampianaran’izy ireo.
Nandeha nampianatra ny Lamanita ireo zanakalahin’i Môzià. Nifady hanina sy nivavaka izy ireo mba ho tonga misiônera tsara.