Toko 24
Mifanena amin’ny rain’ny Mpanjaka Lamônia i Amôna
Te hitondra an’i Amôna mba hihaona amin-drainy ny Mpanjaka Lamônia. Nampitandrina an’i Amôna mba tsy handeha ho any ny Tompo satria hikasa ny hamono azy ny rain’i Lamônia.
Fa nasain’ny Tompo ho any Midonia kosa i Amôna. Voatazona am-ponja any i Aarôna rahalahiny. Nandeha niaraka tamin’i Amôna ny Mpanjaka Lamônia.
Teny an-dalana izy ireo dia nifanena tamin’ny rain’ny Mpanjaka Lamônia izay mpanjaka manerana ny tany. Nanontaniany i Lamônia hoe handeha ho aiza izy sy ny Nefita mpandainga.
Notantarain’i Lamônia Mpanjaka ny rainy ny momba an’i Amôna sy ny amin’ny rahalahiny izay any am-ponja. Tezitra ny rain’i Lamônia ka nandidy an’i Lamônia hamono an’i Amôna sy tsy handeha ho any Midônia.
Nandà ny hamono an’i Amôna i Lamônia sady niteny fa izy sy i Amôna dia handeha hanafaka an’i Aharôna. Vao mainka tezitra ny rain’i Lamônia ka namoaka ny sabany hamono an’i Lamônia.
Nandroso i Amôna mba hiaro an’i Lamônia. Avy eo dia niezaka ny namono an’i Amôna ny rain’i Lamônia saingy niaro ny tenany izy ka nandratra ny sandrin’ny rain’i Lamônia.
Rehefa hitan’ny rain’i Lamônia fa afaka mamono azy i Amôna dia nomeny an’i Amôna ny antsasaky ny fanjakany raha toa ka mitsimbina ny ainy izy.
Notantarain’i Amôna fa tiany ny hanafahana avy tao am-ponja an’i Aharôna sy ireo mpiara-mitory aminy ary tiany mba ho afaka ny hitazona ny fanjakany i Lamonia.
Tsapan’ny rain’i Lamônia fa tsy te handratra azy i Amôna. Gaga tamin’ny halehiben’ny fitiavan’i Amôna ny zanany izy. Nasainy i Amôna mba hampianatra azy ny filazantsara.
Nankany Midôna i Amôna sy ny Mpanjaka Lamônia. Niresaka tamin’ny mpanjaka tao i Lamônia ary navoaka avy tao am-ponja i Aharôna sy ireo mpiara-mitory taminy.
Nalahelo i Amôna nahita ny fomba tsizarizary nitondrana azy ireo. Nijaly be izy ireo saingy nanam-paharetana.