Japta 11

Inos

Inos hem i boe blong Jekob. Hem i kipim ol buk mo i bin raet long olgeta afta we papa blong hem i ded.

Jekob 7:27

Wan dei, Inos i stap lukaotem wael animol long bus. Hem i stap tingbaot ol tijing blong papa blong hem mo hem i wantem blong kasem fogivnes from ol sin blong hem.

Inos 1:3–4

Inos i nildaon mo i prea long God. Hem i prea ful dei mo hem i bin stap prea yet taem naet i kam.

Inos 1:4

God i talem long Inos se, from fet blong hem long Jisas Kraes, hem i kasem fogivnes from ol sin blong hem.

Inos 1:5, 8

Mo afta Inos i bin wantem blong Lod i blesem Ol Man blong Nifae. Hem i prea from olgeta, mo Lod i talem se bae hem i blesem olgeta sapos oli obei long ol komanmen blong Hem.

Inos 1:9–10

Inos i wantem tu blong Lod i blesem Ol Man blong Leman. Hem i prea wetem bigfala fet, mo Lod i promes blong mekem wanem Inos i askem long Hem.

Inos 1:11–12

I nomata se Ol Man blong Leman oli faet agensem Ol Man blong Nifae mo traem blong prapa spolem gud ol rekod blong olgeta, Inos i prea from olgeta blong oli kam ol stret mo gud pipol.

Inos 1:13–14

Inos i bin prea se ol rekod we hem i stap kipim bae oli stap sef. Lod i promes se, wan dei, bae hem i givim long Ol Man blong Leman ol tijing ia we oli stap insaed long ol rekod ia.

Inos 1:16

Inos i stap prij long Ol Man blong Nifae Hem i wantem olgeta blong biliv long God mo kipim olgeta komanmen.

Inos 1:10, 19

Ol Man blong Nifae oli traem blong tijim gospel long Ol Man blong Leman, be oli no wantem lisin. Ol Man blong Leman oli no laekem Ol Man blong Nifae.

Inos 1:20

Inos i spenem laef blong hem blong tijim ol pipol abaot Jisas mo gospel blong Hem. Hem i wok blong God mo hem i lavem Hem long evri dei long laef blong hem.

Inos 1:26–27