Japta 26

Ol Pipol blong Amon

Ol boe blong Mosaea oli tijim gospel long Ol Man blong Leman. Taosen long Ol Man blong Leman oli sakem sin mo oli joenem Jos.

Alma 23:4–5

Ol Man ia blong Leman we oli joenem Jos oli singaotem olgetawan Ol Antae-Nifae-Lihae Oli ol gudfala pipol, mo ol pipol we oli wok had.

Alma 23:17–18; 27:26

Ol Man blong Leman we oli no bin sakem sin oli kros long ol pipol blong Amon, mo oli rere blong faet agensem olgeta.

Alma 24:1–2

Ol pipol blong Amon oli save se ol rabis Man blong Leman bae oli kam blong kilimded olgeta be oli jusum blong no faetbak. Oli bin sakem sin from oli bin kilim man i ded.

Alma 24:5–6

Oli stap berem ol tul blong faet blong olgeta i go dip insaed long graon, mo oli promes long God se bae oli neva kilimded man bakegen.

Alma 24:17–18

Taem ol nogud Man blong Leman oli kam mo stat blong kilimded olgeta, oli nildaon long graon mo oli prea.

Alma 24:21

Taem oli luk se ol pipol blong Amon oli no faetbak, plante long Ol rabis Man blong Leman oli stop blong stap kilimded olgeta.

Alma 24:23–24

Ol Man blong Leman oli sore from oli bin kilimded man. Oli sakem ol tul blong faet mo oli joenem ol pipol blong Amon. Oli no wantem faet bakegen samtaem.

Alma 24:24–27

Plante moa Man blong Leman oli kam blong kilimded ol pipol blong Amon. Be stil, oli no faetbak, mo plante long olgeta, oli bin kilimded olgeta.

Alma 27:2–3

Amon i prea from help, from hem i no wantem se ol pipol we hem i lavem tumas blong oli ded evriwan. Lod i talem long hem blong karem ol pipol blong hem, mo oli aot long graon ia.

Alma 27:4–5, 10–12

Ol Man blong Nifae long Sarahemla oli givim graon blong Jerson long Amon mo ol pipol blong hem, mo oli protektem olgeta. Oli kam fren.

Alma 27:22–23