Japta 31

Kapten Moronae I Winim Sarahemla

Sarahemna, lida blong Ol Man blong Leman i wantem ol pipol blong hem blong oli gohed blong lukluk nogud long Ol Man blong Nifae mo blong mekem olgeta oli kam olsem ol slef blong olgeta.

Alma 43:5, 8

Ol Man blong Nifae oli wantem blong kipim graon mo ol famli blong olgeta oli fri. Oli wantem blong kam fri blong laef mo wosipim God.

Alma 43:9

Kapten Moronae hem i kapten blong ol ami blong Ol Man blong Nifae. Taem Ol Man blong Leman oli kam blong faet, Moronae mo ol ami blong hem oli mitim olgeta long graon long Jeson.

Alma 43:15–16

Kapten Moronae i bin priperem ol ami blong hem wetem ol tul blong faet, ol aean, mo ol aean blong faet, mo ol tik klos.

Alma 43:18–19

Ol Man blong Leman oli gat wan bigfala grup blong ami be oli fraet taem oli luk ol aean blong faet blong Ol Man blong Nifae—Ol Man blong Leman oli werem smol klos nomo.

Alma 43:20–21

Ol ami blong Ol Man blong Leman oli no bin faet nomo wetem ami blong Kapten Moronae. Ol Man blong Leman oli ronwe i go long ples we i no gat man long hem mo ol disaed blong oli atakem wan narafala taon blong Ol Man blong Nifae.

Alma 43:22

Moronae i sendem ol spae blong lukluk Ol Man blong Leman. Hem i askem Alma blong prea blong long God from help. Lod i talem long Alma wea ples bae Ol Man blong Leman oli atak long hem.

Alma 43:23–24

Taem Moronae i kasem mesej blong Alma, Hem i lego sam soldia blong lukaotem Jerson mi i tekem evriwan long olgeta blong mitim Ol Man blong Leman.

Alma 43:25

Ol soldia blong kapten Moronae oli haed long tugeta saed blong reva Saedon, oli stap wet blong kilim ol ami blong Ol Man blong Leman.

Alma 43:27, 31-35

Wan faet i girap, mo Ol Man blong Leman oli traem blong ronwe blong krosem reva, be plante long Ol Man blong Nifae i stap wet long olgeta long narasaed.

Alma 43:36, 39-41

Oli faet strong moa bitim bifo, Sarahemna mo ol ami blong hem oli kilim plante long Ol Man blong Nifae. Ol Man blong Nifae oli krae i go long God from help.

Alma 43:43-44, 49

Lod i givim paoa long ol ami blong Ol Man blong Nifae. Ami ia i go raon long Ol Man blong Leman, mo Moronae i givim oda long faet ia blong i stop.

Alma 43:50, 52-54

Moronae i talem long Sarahemna se Ol Man blong Nifae oli no wantem blong kilimded Ol Man blong Leman o blong mekem olgeta i kam ol slef blong olgeta.

Alma 44:1–3

Moronae i talem se Man blong Leman oli no save prapa spolem Ol Man blong Nifae from fet blong olgeta long Jisas Kraes. Hem i talem se God bae i gohed blong helpem Ol Man blong Nifae blong faet nomo sapos oli stap fetful.

Alma 44:4

Moronae i givim oda long Sarahemna blong putum daon ol tul blong faet blong hem. Ol Man blong Leman oli oli no save ded sapos oli promes blong oli neva faet wetem Ol Man blong Nifae.

Alma 44:5–6

Sarahemna i givim ol tul blong faet blong hem long Moronae be i no promes blong no faet bakegen. Moronae i givimbak ol tul blong faet ia i gobak long Ol Man blong Leman blong mekem se Ol Man blong Leman oli save difendem olgetawan.

Alma 44:8, 10

Sarahemna i toktok strong long Moronae blong kilimded hem, be wan long Ol Man blong Nifae soldia i faet mo i brekem naef blong faet blong Sarahemna.

Alma 44:12

Wan soldia i katemaot bun blong hed blong Sarahemna, mo i putum long en blong naef blong faet blong hem, mo i putum i go antap long skae.

Alma 44:12–13

Ol Man blong Leman bae oli foldaon, taem bun blong hed i foldaon, hem i talem long olgeta, be nomo sapos oli putum ol tul blong faet blong olgeta i go daon mo oli promes blong oli neva faet bakegen bae oli no ded olsem.

Alma 44:14

Plante long Ol Man blong Leman oli putum ol tul blong faet blong olgeta long leg blong Moronae mo oli promes blong no faet bakegen. Oli bin kasem raet blong go fri.

Alma 44:15

I kros tumas, Sarahemna i pusum ol soldia blong hem blong oli faet. Ol soldia blong Moronae oli kilimded plante long olgeta.

Alma 44:16–18

Taem Sarahemna i luk se bae hem mo evri man blong hem bae oli ded, hem i krae long Moronae blong stop blong kilimded olgeta. Hem i promes blong neva faet wetem Ol Man blong Nifae bakegen.

Alma 44:19

Moronae i stopem faet mo i tekem ol tul blong faet blong Ol Man blong Leman. Afta we oli promes blong oli nomo faet, Man blong Leman oli aot.

Alma 44:20, 23