Japta 9

Wan Niu Hom long Promes Graon

Sip i stap karem famli blong Lihae i stap krosem bigfala solwota mo oli kasem promes graon. Ol pipol oli setemap ol tenet.

1 Nifae 18:23

Oli rere long graon mo oli planem ol sid we oli bin karem i kam.

1 Nifae 18:24

Taem oli travel raon long niu graon ia, oli bin luk plante kaen animol. Mo tu, oli bin faenem gol, silva, mo kopa.

1 Nifae 18:25

God i talem long Nifae blong mekem ol buk wetem aean mo raet long olgeta. Nifae i bin raet abaot famli blong hem mo ol wokbaot blong olgeta. Hem i raetem tu abaot ol toktok blong God.

1 Nifae 19:1, 3

Lihae i stap go olfala. Bifo hem i ded, hem i toktok long ol boe blong hem blong oli obei long ol komanmen blong God. Mo tu, hem i blesem ol apu pikinini blong hem.

2 Nifae 1:14, 16; 4:3–11

Afta we Lihae i ded, Leman mo Lemyul, tufala i bin kros long Nifae mo oli bin wantem blong kilim hem i ded. Oli no wantem Nifae, we hem i smol brata blong olgeta, blong kam lida blong olgeta.

2 Nifae 4:13; 5:2–3

Lod i bin talem long Nifae blong lidim ol stret mo gud man oli aot i go long waelples. Oli travel blong plante dei, mo long en, oli stop long wan ples we oli putum nem blong hem se Nifae.

2 Nifae 5:5–8

Ol pipol we oli folem Nifae oli obei long komanmen blong God. Oli wok had mo oli kasem blesing. Nifae i tijim ol pipol blong hem blong bildim samting wetem wud mo aean. Oli bildim wan naesfala tempol.

2 Nifae 5:10–11, 15–16

Olgeta we oli folem Leman mo Lemyul oli singaotem olgeta Ol Man blong Leman.

2 Nifae 5:14

Ol Man blong Leman oli no obei long God mo oli kamaot long ples we Hem i stap long hem. Spirit blong Lod i no save stap wetem olgeta kasem taem we oli sakem sin.

2 Nifae 5:20; Ita 2:15

Ol Man blong Leman oli fulap long ol nogud fasin mo oltaem oli stap faet agensem Ol Man blong Nifae.

2 Nifae 5:24, 34