Japta 37

Nifae mo Lihae long Kalabus

Nifae mo Lihae i ol boe blong Hileman. Hileman i wantem olgeta blong oli stap stret mo gud olsem olfala Lihae mo Nifae we i lego Jerusalem.

Hileman 5:4-7

Hileman i tijim ol boe blong hem blong bilif long Jisas Kraes. Oli lanem se fogivnes i kam tru long fet mo fasin blong sakem sin.

Hileman 5:9-12

Nifae mo Lihae oli go mo tijim toktok blong God long Ol Man blong Nifae mo Ol Man blong Leman. Taosen long ol man oli bin kasem baptaes.

Hileman 5:14–19

Taem Nifae mo Lihae i go long lan blong Nifae, wan ami blong Ol Man blong Leman i sakem tufala i go long kalabus mo i no givim kaekae long tufala blong plante dei.

Hileman 5:20–22

Ol Man blong Leman oli go long kalabus blong kilimded Nifae mo Lihae be oli no save from se wan ring blong faea i protektem tufala we bae i save bonem eni wan we i traem blong tajem tufala.

Hileman 5:22–23

Nifae mo Lihae tufala i no bin bon long faea. Oli talem long Ol Man blong Leman se paoa blong God i stap protektem tufala.

Hileman 5:24–26

Graon mo ol wol blong kalabus i stat blong seksek. Wan tudak blong klaod i kavremap ol pipol insaed long kalabus, mo oli bin fraet tumas.

Hileman 5:27–28

Wan voes we i kam antap i toktok long tudak ia. Hem kwaet olsem wan man i stap toktok slo be voes blong hem i no kamaot, be evriwan i save harem i klia.

Hileman 5:29–30

Voes ia i talem long ol pipol blong sakem sin mo stap traem blong kilimded Nifae mo Lihae.

Hileman 5:29–30

Voes ia i toktok tri taem, mo graon mo ol wol blong kalabus i gohed blong seksek. Ol Man blong Leman oli no save ronwe from se i tudak tumas mo oli bi fraet tumas.

Hileman 5:33–34

Wan long Ol Man blong Nifae we i bin wan memba blong Jos i luk we ol fes blong Nifae mo Lihae i stap saen long tudak.

Hileman 5:35–36

Nifae mo Lihae tufala i stap lukluk i go long heven mo tufala i stap toktok. Man ia i talem long Ol Man blong Leman blong luk. Oli stap lukaotem se huia Nifae mo Lihae i stap toktok long hem.

Hileman 5:36–38

Man ia we oli singaotem hem Aminadab, i talem long Ol Man blong Leman se Nifae mo Lihae tufala i stap toktok long ol enjel.

Hileman 5:39

Ol Man blong Leman oli askem Aminadab olsem wanem oli save karemaot tudak blong klaod ia. Hem i talem long olgeta blong oli sakem sin mo prea kasem taem we oli gat fet long Jisas Kraes.

Hileman 5:40–41

Ol Man blong Leman oli prea kasem taem we tudak blong klaod ia i go lus.

Hileman 5:42

Taem we tudak ia i aot, ol pipol oli luk wan bigfala faea raon long olgeta. Faea ia i no bin bonem olgeta wol blong kalabus ia.

Hileman 5:43–44

Ol Man blong Leman oli filim bigfala glad, mo Spirit blong God i fulumap hat blong olgeta.

Hileman 5:44–45

Wan voes i toktok slo, mo i talem se bae oli harem gud from fet blong olgeta long Jisas Kraes.

Hileman 5:46–47

Ol Man blong Leman oli lukluk i go antap blong luk se wea nao voes ia i stap kam long hem. Oli luk ol enjel oli stap long heven oli kam daon.

Hileman 5:48

Abaot 300 pipol oli luk mo harem wanem we i bin hapen insaed long kalabus. Oli bin go mo talem long ol narafala wan.

Hileman 5:49–50

Plante long Ol Man blong Leman oli biliv long olgeta o oli putumaot ol tul blong faet blong olgeta.

Hileman 5:50–51

Ol Man blong Leman oli stop blong lukluk nogud long Ol Man blong Nifae mo givimbak graon we oli bin karemaot long olgeta. Ol Man blong Leman oli bin kam moa stret mo gud bitim Ol Man blong Nifae.

Hileman 5:50, 52

Plante long Ol Man blong Leman oli bin go wetem Nifae mo Lihae mo tijim tugeta Ol Man blong Nifae mo Ol Man blong Leman.

Hileman 6:1, 6-7