Japta 35

Kapten Moronae mo PAHORAN

Kapten Moronae i glad tumas blong harem se Hileman mo ol ami blong hem oli bin tekembak plante long ol graon blong Ol Man blong Nifae long Ol Man blong Leman.

Alma 59:1

Be Hileman mo ol ami blong hem oli nidim help. Oli no bin gat inaf soldia blong difendem plante taon tumas.

Alma 58:32

Kapten Moronae i raetem wan leta i go long Pahoran, jif jaj mo wan man blong mekem loa. Hem i askem Pahoran blong sendem moa soldia blong helpem ol ami blong Hileman.

Alma 59:3

Ol Man blong Leman oli atakem wan taon blong Ol Man blong Nifae we Hileman i bin tekembak. Oli kilimded plante long Ol Man blong Nifae mo oli ronem plante aot long taon.

Alma 59:5–8

I kros long ol lida blong gavman from we oli no bin sendem help. Moronae i raetem wan narafala leta i go long Pahoran.

Alma 59:13; 60:1

Kapten Moronae i raetem se plante pipol oli bin ded from we Pahoran i no bin sendem moa soldia.

Alma 60:5

Sapos Pahoran i no sendem ol man mo kaekae, Moronae bae i tekem ami blong hem i go long Sarahemla mo karem wanem ol ami blong hem oli nidim.

Alma 60:34–35

Mo afta, Moronae i jes kasem wan leta we i kam long Pahoran. Hem i harem nogud se Moronae mo ol man blong hem oli stap harem nogud.

Alma 61:1–2

Pahoran i talem long Moronae se wan grup blong Ol Man blong Nifae we oli singaotem olgeta ol king-man oli no wantem hem blong stap olsem jif jaj. Oli bin fosem hem mo ol sapota blong hem blong oli aot long Sarahemla.

Alma 61:3–5

Pahoran i talem tu se hem i stap traem blong tekem tugeta wan ami blong tekembak Sarahemla.

Alma 61:6–7

Ol king-man oli bin jusum wan king blong kam lida blong olgeta mo oli bin joenem Ol Man blong Leman.

Alma 61:8

Pahoran i no bin kros long wanem Moronae i bin raetem. Hem i wantem Ol Man blong Nifae blong oli go fri tu.

Alma 61:9

Hem i askem Moronae blong tekem smol man blong helpem hem mo i talem se sapos Moronae i tekem plante moa man long rod blong hem, tugeta ol ami ia bae i tekem bak Sarahemla.

Alma 61:15–18

Kapten Moronae i glad from we Pahoran i stil stanap from kandri blong hem mo i wantem fridom blong ol pipol blong hem.

Alma 62:1

Wetem smol long ol man blong hem, Moronae i go blong mitim Pahoran. Hem i tekem taetel blong fridom, mo taosen long ol man oli joenem hem long rod blong hem i go.

Alma 62:3–5

Tugeta ami blong Moronae mo Pahoran i maj i go agensem Sarahemla. Oli kilimded king blong ol rabis Man blong Nifae ia mo oli holem ol man blong hem.

Alma 62:7–8

Moronae i sendem kaekae mo 12,000 soldia blong helpem ol ami blong Ol Man blong Nifae. Ol ami ia oli ronem Ol Man blong Leman i go aot, mo i gat pis bakegen long graon ia.

Alma 62:12-13, 38-42