Ol Boe blong Mosaea Oli Kam Ol Misinari

Mosaea i gat fo boe: Amon, Eron, Omna, mo Himnae. Oli bin stap wetem Yangfala Alma taem wan enjel i kamaot long hem.

Ol boe blong Mosaea oli bin sakem sin blong olgeta mo oli bin sore tumas from wanem oli bin mekem. Oli save se gospel i tru mo oli wantem blong tijim long ol narafala man.

Mosaea 27:35–36

Wanwan long ol boe blong Mosaea oli no wantem blong kam king. Be oli wantem blong kam ol misinari long Ol Man blong Leman mo serem ol blesing blong gospel long olgeta.

Mosaea 28:1, 10; 29:3

King Mosaea i prea blong save sapos hem i mas lego ol boe blong hem oli go. Lod i talem long hem blong lego olgeta oli go, mo bae hem i protektem olgeta. Plante Man blong Leman bae oli biliv long mesej blong olgeta.

Mosaea 28:6–7

Ol boe blong Mosaea oli go blong tijim Ol Man blong Leman. Oli livim kakae mo prea blong oli kam ol gudfala misinari.

Mosaea 28:9; Alma 17:9