Japta 18

Yangfala Alma I Sakem Sin

King Mosaea i mekem Alma i kam olsem lida blong Jos long Sarahemla. Alma i gohed blong jusum sam moa man blong helpem hem blong tijim Ol Man blong Nifae.

Mosaea 25:19; 26:8

Alma mo King Mosaea tufala i wari smol from we olgeta we oli no biliv oli stap mekem ol memba blong Jos i safa tumas from ol bilif blong olgeta.

Mosaea 27:1

Alma i gat wan boe we nem blong hem Alma. Yangfala Alma i bin biliv long ol tijing blong papa blong hem we i mekem hem i kam wan nogud man.

Mosaea 27:8

Yangfala Alma mo fofala boe blong King Mosaea oli faet agensem Jos. Oli bin pulum plante pipol blong livim Jos mo go mekem ol nogud samting.

Mosaea 27:8

Alma i stap prea se boe blong hem bae i lanem trutok mo sakem sin.

Mosaea 27:14

Yangfala Alma mo ol boe blong King Mosaea oli gohed blong traem blong spolem Jos.

Mosaea 27:10

Wan dei wan enjel i kamaot long olgeta. Enjel ia i singaot wetem wan laod voes we i mekem graon i seksek.

Mosaea 27:11

Faef yangfala man ia oli fraet tumas mekem oli foldaon i go long graon. Long fas ples, oli no bin andastanem wanem enjel ia i stap talem.

Mosaea 27:12

Enjel ia i kam olsem wan ansa long ol prea blong ol memba blong Jos. Enjel ia i askem Yangfala Alma from wanem hem i stap faet agensem Jos.

Mosaea 27:13–14

Graon i seksek taem enjel ia i talem long Yangfala Alma blong i mas stop blong traem blong spolem Jos.

Mosaea 27:15–16

Yangfala Alma mo ol boe blong Mosaea oli foldaon bakegen. Oli bin luk wan enjel mo oli bin luk paoa blong God i bin sekem graon.

Mosaea 27:18

Yangfala Alma i bin i bin sapraes bigwan we i mekem se hem i no save toktok. Hem i bin wik tumas we i mekem se hem i no save muvum ol han blong hem.

Mosaea 27:19

Ol boe blong Mosaea oli bin karem Yangfala Alma i go long papa blong olgeta mo talem long hem evri samting we i bin hapen long olgeta

Mosaea 27:19–20

Alma i bin glad tumas. Hem i save se God i bin ansarem ol prea blong hem.

Mosaea 27:20

Alma i singaotem plante pipol i kam tugeta blong luk wanem God i bin mekem long boe blong hem mo wetem ol boe blong Mosaea.

Mosaea 27:21

Alma wetem ol narafala lida blong Jos, oli bin livim kakae mo prea mo askem God blong helpem Yangfala Alma i kam strong bakegen.

Mosaea 27:22

Afta long tu dei mo naet i pas, Yangfala Alma i save toktok mo muv bakegen.

Mosaea 27:23

Hem i talem long ol pipol se hem i bin sakem ol sin blong hem mo God i bin fogivim hem.

Mosaea 27:24

Hem i tijim se evriwan i mas stap stret mo gud blong mekem se oli save go insaed long kingdom blong God. Hem i bin talem tu abaot bigfala harem nogud we hem i bin safa long hem from ol sin blong hem.

Mosaea 27:25–26, 29

Yangfala Alma i bin glad tumas from hem i bin sakem sin mo God i bin fogivim hem. Hem i save se God i lavem hem.

Mosaea 27:28

Yangfala Alma mo ol boe blong King Mosaea oli stat blong tijim trutok truaot long lan ia, oli stap talem long evri man wanem oli bin luk mo harem.

Mosaea 27:32

Oli traem blong karemaot ol rong samting we oli bin mekem. Oli eksplenem ol skripja long ol pipol mo oli tij abaot Jisas Kraes.

Mosaea 27:35

God i blesem Yangfala Alma mo ol boe blong Mosaea taem oli stap tijim gospel. Plante pipol oli lisin long olgeta mo oli biliv.

Mosaea 27:25