Japta 47

Jisas Kraes I Blesem Ol Disaepol blong Hem

Wan dei taem we ol disaepol oli stap tugeta mo oli stap fast mo prea, Jisas Kraes i kamaot long olgeta.

3 Nifae 27:1–2

Ol disaepol oli askem Hem wanem nem nao oli sapos blong singaotem Jos long hem. Jisas i talem se oli mas singaotem long nem blong Hem from we hem i Jos blong Hem.

3 Nifae 27:3, 7

Jisas i eksplenem long ol disaepol blong Hem se Papa long Heven i bin sendem Hem long wol ia blong givim laef blong Hem from ol pipol.

3 Nifae 27:14

Hem i talem se evriwan we i sakem sin, mo kasem baptaes long nem blong Hem, mo obei long ol komanmen blong Hem bae i stanap klin long fored blong Papa long Heven.

3 Nifae 27:16

Sevya i talem long ol disaepol blong oli mekem wanem we oli luk Hem i stap mekem. Hem i bin soem eksampol blong olgeta.

3 Nifae 27:21

Hem i talem tu long olgeta blong oli raetem daon ol samting we oli bin luk mo harem mekem se ol narawan oli mas save tu.

3 Nifae 27:23–25

Jisas i askem long ol disaepol blong Hem wanem oli wantem long Hem. Naen long olgeta i wantem blong laef wetem Hem afta we laef blong olgeta long wol ia i finis.

3 Nifae 28:1–2

Jisas i promes long olgeta se taem we bae oli gat 72 yia, bae oli go long Hem long heven.

2Nifae 28:3

Ol nara tri disaepol oli no bin askem wanem oli wantem, be Jisas i save. Oli wantem blong stap long wol ia blong tijim gospel kasem taem we Jisas i kambak bakegen.

3 Nifae 28:5-6, 9

Sevya i promes long olgeta se bae oli no save safa long ol harem nogud mo bae oli no save ded. Bae oli tijim ol pipol abaot gospel kasem taem Hem i kambak.

3 Nifae 28:7–9

Jisas i tajem wanwan long ol disaepol be i no olgeta tri we bae oli stap long wol ia kasem taem hem i kambak. Mo afta Hem i go.

3 Nifae 28:12

Trifala disaepol ia oli bin go long heven, we oli bin luk mo harem plante gudgudfala samting. Naoia oli save andastanem gud ol samting blong God.

3 Nifae 28:13, 15

Ol bodi blong olgeta oli jenis blong mekem se oli no save ded.

3 Nifae 28:15

Trifala disaepol oli kambak long wol ia mo stat blong prijim gospel mo baptaesem ol man.

3 Nifae 28:16, 18

Ol nogud Man blong Nifae oli sakem trifala disaepol ia i go long kalabus mi insaed long ol bigfala hol, be paoa blong God i helpem tufala i ronwe.

3 Nifae 28:19–20

Taem oli pusum olgeta i go insaed long ol hot faea mo insaed long hol blong ol wael animol, God i protektem olgeta wetem paoa blong Hem.

3 Nifae 28:21–22

Trifala disaepol ia i gohed blong prijim gospel blong Jisas Kraes i go long Ol Man blong Nifae. Oli gohed blong prijim gospel.

3 Nifae 28:23, 27–29