Fas Toktok

I Go long Yu we Yu Stap Rid

Ol Buk blong Momon stori oli raetem olgeta speseli blong yu. Ol stori oli tekemaot long wan buk we i tabu from buk ia i kam long Papa long Heven. Taem yu ridim ol stori ia, tingbaot se oli ol stori blong ol man we oli ril, we oli laef long Amerika long taem bifo.

Afta yu ridim ol stori insaed long buk ia, bae yu wantem tu blong ridim olgeta insaed long Buk blong Momon. Andanit long wanwan pikja bae yu luk weaples blong faenem stori ia insaed long Buk blong Momon. Askem papa, mama, tija, o wan fren blong helpem yu.

Sapos yu no save mining blong wan toktok, lukaotem insaed long seksen ia Ol Toktok blong Save we i stap long en blong buk ia. Ol infomesen blong ol pipol mo ol ples we oli tokbaot insaed long Buk blong Momon oli stap tu long en blong buk ia.

I go long ol Papa mo ol Mama mo ol Tija

Buk ia bae i helpem yu blong tijim ol skripja. Serem testemoni blong yu abaot Buk blong Momon, mo leftemap tingting blong olgeta we yu stap tijim blong oli lukaotem testemoni blong olgeta wan. Testemoni blong olgeta bae i gro taem yu ridim long olgeta ful storian blong ol stori we oli laekem tumas stret insaed long Buk blong Momon.