Japta 29
Alma I Tijim Abaot Fet mo Toktok blong God
Alma i tijim Ol Man blong Soram abaot fet. Hem i talem se olgeta we oli askem blong luk wan saen bifo oli biliv, oli no gat fet.
Alma i talem se fet i blong biliv se wan samting i tru taem we yu no luk yet.
Hem i eksplenem se fet i gro taem wan i wantem blong biliv mo i stap lisin long toktok blong God. Toktok ia, oli planem long hat blong man o woman ia, mo olsem wan sid, hem i stat blong gro.
Semmak olsem wan i stap lanem moa abaot gospel, sid ia i stap putum kru blong hem, mo i gohed blong gro. Man o woman ia i luksave se sid ia i gud, mo fet blong hem i gro i strong moa.
Alma i talem se, olsem we wan gudfala sid i givim wan gud frut, toktok blong God i givim blesing long olgeta we oli gat fet.