Japta 54
Promes blong Buk blong Momon
Bifo Moronae i berem ol buk blong las taem, hem i raetem wan promes i go long Ol Man blong Leman mo long eni narafala man we i ridim ol histri ia.
Hem i talem long ol man blong ridim ol histri ia, blong rili tingting long olgeta, mo afta askem Papa long Heven sapos oli tru.
Moronae i promes se sapos ol man i askem wetem wan tru hat, wetem fet long Kraes, Tabu Spirit bae i helpem olgeta blong save ol rekod ia oli tru.
Moronae i raetem se sapos ol pipol oli sakem sin, folem Jisas Kraes, mo lavem Papa long Heven, bae oli save kam stret gud.
Taem Moronae i finis raet long buk we oli wokem long gol, hem i haedem olgeta insaed long wan ston bokis wetem wan bigfala ston we i kavremap ston bokis ia. Wok blong hem long wol ia i finis.