Japta 24

Amon i Mitim Papa blong King Lamonae

King Lamonae i wantem blong tekem Amon blong mitim papa blong hem. Lod i wonem Amon blong hem i no go from papa blong Lamonae bae i traem blong kilim hem.

Alma 20:1–2

Lod i talem long Amon blong go long graon blong Midonae nomo, we brata blong hem Eron i bin stap long hem long kalabus. King Lamonae i go wetem Amon.

Alma 20:2–4

Taem we oli stap travel oli mitim papa blong King Lamonae, we hem i king ova long ful lan ia. Hem i askem Lamonae weaples hem i stap go wetem man blong giaman blong Ol Man blong Nifae.

Alma 20:8, 10

King Lamonae i tokbaot long papa blong hem abaot Amon mo brata blong hem we i stap long kalabus. Papa long Lamonae i kros mo i givim oda long Lamonae blong i kilimded Amon mo bae i nomo go long Midonae.

Alma 20:11–14

Lamonae i no wantem blong kilimded Amon mo i talem se hem mo Amon bae i go mo mekem Eron i go fri. Lamonae i kros tumas mo i sakem naef blong faet blong hem blong kilimded Lamonae.

Alma 20:15–16

Amon i go long fored blong protektem Lamonae. Papa blong Lamonae i traem bakegen blong kilimded Amon, be hem i difendem hemwan mo i givim kil long han blong papa blong Lamonae.

Alma 20:17, 20

Taem papa blong Lamonae i luk se Amon i save kilimded hem, hem i haf blong kingdom blong hem long Amon sapos Amon i lego hem i laef i stap.

Alma 20:21, 23

Amon i talem se hem i wantem Eron mo ol kompanion blong hem blong oli go fri long kalabus mo i wantem blong Lamonae i gohed blong kipim kingdom blong hem.

Alma 20:22, 24

Papa blong Lamonae i luksave se Amon i no wantem blong givim kil long hem. Hem i sapraes tumas long hamas Amon i lavem boe blong hem. Hem i invaetem Amon blong tijim gospel long hem.

Alma 20:26–27

Amon mo King Lamonae i go long Midonae. Lamonae i toktok wetem king blong ples ia, mo Eron mo ol kompanion blong hem oli kamaot long kalabus.

Alma 20:28

Amon i harem nogud blong luk hamas oli bin tritim olgeta. Oli bin harem nogud bigwan be oli bin save wet long taem.

Alma 20:29