Japta 38
Taem we oli Kilim Ded Jif Jaj
Ol nogud man oli bin kam ol jaj ova long Ol Man blong Nifae. Ol panisim ol stret mo gud pipol be i no ol nogud pipol.
Nifae i bin harem nogud tumas blong luk plante nogud fasin long medel blong ol pipol.
Wan dei hem i stap prea long wan taoa insaed long garen blong hem. Garen blong hem i stap long saed blong bigfala rod we i stap go long maket ples long Sarahemla.
Ol pipol oli stap pas long bigfala rod ia mo oli harem Nifae i stap prea. Wan bigfala grup oli kam tugeta mo oli stap tingting se from wanem hem i stap harem nogud.
Taem Nifae i luk ol pipol ia, hem i talem long olgeta se hem i stap harem nogud from ol nogud fasin blong olgeta. Hem i talem long olgeta blong sakem sin.
Hem i wonem olgeta se sapos oli no sakem sin, ol enemi blong olgeta bae oli karem ol hom mo ol taon blong olgeta mo Lod bae i no helpem olgeta blong faetem ol enemi blong olgeta.
Nifae i talem se Ol Man blong Nifae oli nogud moa bitim Ol Man blong Leman from se Ol Man blong Nifae oli bin tijim olgeta ol komanmen be oli no stap obei long olgeta.
Hem i talem se sapos Ol Man blong Nifae oli no sakem sin, bae oli ded evriwan.
Sam long ol nogud jaj oli bin stap. Oli wantem ol pipol blong panisim Nifae from we hem i stap toktok agensem olgeta mo ol loa blong olgeta.
Plante long ol pipol oli agri wetem ol nogud jaj. Ol narafala oli biliv long Nifae; oli save se hem i wan profet mo hem i stap talemaot trutok.
Nifae i talem long ol pipol se oli bin go agensem God mo God bae i panisim olgeta sapos oli no sakem sin.
Nifae i talem long ol pipol blong go mo faenem jif jaj blong olgeta. Bae hem i ded mo stap silim long blad blong hemwan, wan brata bae i kilimded hem from hem i wantem posisen.
Faef man long bigfala grup ia i ron i go blong luk jif jaj. Oli no biliv se Nifae hem i wan profet blong God.
Taem oli luk Sisoram, jif jaj, we i stap silip long blad blong hem, oli foldaon wantaem long graon wetem fraet. Naoia oli save se Nifae hem i wan profet.
Ol man blong Sisoram oli bin faenem jif jaj mo oli ron blong oli go mo talem long ol pipol. Oli gobak mo oli faenem faevfala man ia i silip i stap.
Ol pipol oli ting se faevfala man ia nao oli bin kilim Sisoram.
Oli sakem faevfala man ia i go long kalabus mo oli sendem toktok i go long taon se jif jaj i ded finis mo olgeta we oli kilimded hem oli stap long kalabus.
Long nekis dei ol pipol oli go long ples we bae oli berem jif jaj. Ol jaj we oli bin stap long garen blong Nifae oli askem wea nao ol faef man ia oli stap long hem.
Ol jaj oli askem blong luk olgeta we oli bin talem se olgeta nao i ol man blong kilim man i ded.
Olgeta man ia we oli talem se oli ol man blong kilim man i ded i ol faef man ia we oli bin ron long garen blong Nifae i go long jif jaj.
Ol faef man ia oli talem se oli bin faenem jif jaj i stap silip long blad blong hem, olsem we Nifae i bin talem. Mo ol jaj oli tok long Nifae from se hem i bin sendem wan man blong go mo kilim Sisoram.
From oli save se Nifae i wan profet, ol faef man ia oli rao wetem ol jaj, be oli no save lisin. Oli fasem gud Nifae.
Ol jaj oli talem long Nifae se bae oli givim mane long Nifae mo laef blong hem sapos hem i talem nomo se hem i bin sendem ol man blong kilim Sisoram.
Nifae i talem long ol jaj blong oli sakem ol sin blong olgeta from ol rabis fasin blong olgeta. Mo i talem long olgeta blong go long Siantum, brata blong Sisoram.
Nifae i askem long Siantum sapos hem mo Nifae i bin mekem rod ia blong kilim Sisoram. Nifae i talem se Siantum bae i talem “no.”
Mo ol jaj oli wantem blong askem Siantum sapos hem i bin kilim brata blong hem. Siantum bae i talem “no,” bakegen, be bae oli jaj bae i faenem blad long kot blong hem.
Nifae i talem se Siantum bae i seksek mo bodi blong hem bae i kam yelo mo long en bae i konfes se hem i kilimded brata blong hem.
Ol jaj oli go long haos blong Siantum, mo evri samting oli hapen olsem we Nifae i bin talem. Nifae mo faevfala man ia oli go fri.
Taem ol pipol oli aot long Nifae, sam i talem se hem i wan profet; ol narawan oli talem se hem i wan God. Nifae i go hom, mo i harem nogud yet from ol nogud fasin blong olgeta.