Japta 41
Aesea I Raet Abaot Taem Kraes I Bon
Nifae, boe blong Hileman, i givim ol tabu rekod mo ol skripja i go long bigfala boe blong hem, Nifae.
Ol Man blong Nifae oli luk ol bigfala saen mo ol merikel we ol profet oli bin talem se bae i hapen bifo Jisas Kraes i bon.
Be sam long Ol Man blong Nifae oli stap talem se taem blong Jisas i bon i pas finis. Oli stap jikim olgeta we oli biliv long ol profesi blong Samuel we i wan Man blong Leman.
Ol pipol we oli biliv long Jisas Kraes mo long ol profet oli bin harem nogud from oli ting se wan samting bae i blokem ol profesi ia blong oli kam tru.
Ol pipol oli stap lukluk gud nomo blong wan naet we i no gat tudak, we i wan saen se Jisas Kraes bae i bon.
Olgeta we oli no biliv long Jisas Kraes oli bin jusum wan dei blong kilim olgeta we oli biliv sapos ol saen ia oli no hapen.
Nifae i bin harem nogud from ol rabis fasin blong olgeta we oli no biliv long Sevya.
Nifae i prea blong wan ful dei from olgeta we bae oli kilim olgeta i ded.
Lod i leftemap tingting blong Nifae mo i talem long hem se bae i no tudak long dei ia. Jisas bae i bon long nekis dei long Betlehem.
Long naet ia san o bin go daon, be tudak i no bin kam. Saen blong taem we Jisas Kraes bae i Bon i bin kam. Ol pipol oli glad
Olgeta we oli bin plan blong kilim ol man we oli biliv oli bin foldaon mo luk olsem se oli bin ded.
Tufala i fraet from tufala i bin mekem ol nogud samting. Naoia oli save se Sevya bae i bon mo we ol profet oli bin talem ol raet samting.
I stap olsem laet long ful naet. Taem san i kamaot long nekis moning, ol pipol oli save se Jisas Kraes bae i bon long dei ia. Ol profesi oli stap kam tru.
Wan niu sta i kamaot long skae, semmak olsem we ol profet oli bin talem se bae i hapen.
Setan i gohed blong mekem ol pipol blong oli no biliv long ol saen we oli bin luk, be plante oli bin biliv.
Nifae mo ol narafala lida blong Jos oli stap baptaesem ol man we oli biliv mo oli sakem ol sin blong olgeta.
I gat bigfala glad long lan ia from we ol toktok blong ol profet oli bin kam tru. Jisas Kraes i bin bon.