Japta 36
Hagot
Abaot 55 yia bifo Jisas Kraes i bon, taosen long ol man, woman mo pikinini blong Ol Man blong Nifae oli aot long Sarahemla mo oli travel i go long Not.
Wan long olgeta, wan man we nem blong hem i Hagot, i bildim wan bigfala sip mo i sendem i go long solwota long Wes.
Plante Man blong Nifae oli karem kaekae mo ol saplae mo oli sel i go long Not long sip blong hem.
Hagot i bildim sam narafala sip we i karem ol man i go long wan graon long Not tu. Fasfala sip i kambak mo i pikimap plante moa pipol.
Wan narafala sip i sel i go. I no gat wan long ol sip ia i kambak, mo Ol Man blong Nifae oli neva save wanem i hapen long ol pipol ia.