1. Pʼekechirejj Uzias sat jiwcän uca maranjja, Tatituruw uñjta jachʼa jilïr konuñjjar kontʼatäsquiri. Jupan isipasti kollan utaruw phokhantäna.

2. Jilïr konuñäc ucjjan serafinanacajj utjäna. Sapa mayaw sojjta chhekhanïna; payampejj ajan imantasïna, payampisti cayup imantäna, payampejj tuytaraquïnwa.

3. Maynejj mayniruw artʼäna, aqhäm sasa: Kollana, kollana, kollanaw Nuwasiri tamanacan Tatitupajja. Khapak cancañapajj oraken kʼala phokhantatawa.

4. Artʼcäns ucan arupajj puncu kemiñanac onjjtayäna, jiwkʼesti utaruw phokhantäna.

5. Ucat nayajj sista: Ay naya chhaktat jaketa! Kʼañu laca ispillun jakëtwa, kʼañu laca ispillun jakenac taypin utjasitajj laycuw atipayasta, cunalaycutejj nayrajjajj pʼekechiriruw uñji, jupasti nuwasiri tamanacan Tatitupawa.

6. Ucatsti amparapan akher sancʼa irtʼataw mä serafinajj nayan uc tuytani. Uca sancʼsti loktäwit tenazanacamp aptanitayna.

7. Jupasti lacajjaruw ucjj uchitu, aqhäm sasa: Uñjam, acajj laca ispillumaruw puri. Jichhasti ñankha luratanacamajj phisqhuratawa. Juchamasti pampachataraquiwa.

8. Ucatsti Tatitun arup istʼaracta, aqhäm siri: Qhitirus qhitäjja, qhitis nanac lantejj sarani? Ucat nayajj sista: Acät nayajja. Nayar qhitita.

9. Jupasti situwa: Saram, ucatsti aca jakenacar saraquim: Sum istʼapjjam –sasa. Ucampis janiw amuyapquiti. Chekpach uñjapjjam –sasa. Ucampis janiw uñjapquiti.

10. Aca jakenacan chuymap liqʼiptayam, jinchunacapar jathiptayam, nayranacapar chʼirmthapiyam jupanacan nayranacapamp jan uñjañapataqui, jinchunacapamp jan istʼañapataqui, chuymapamp jan amuyañapataqui, nayar jan cutiquipstañapataqui, janirac cʼumaraptañapataquisa.

11. Ucat saracta: Tatay, cunapachcamasa? Jupasti ucjjarojj situwa: Marcanacan kʼala tucqhatäñapcama, jan jakenïñapcama, utanacasti jan jakenïñapcama, orakesti kʼala chʼusa tucuñapcamaraqui.

12. Tatitun, jakenac jayar apañapcama, cunalaycutejj orakenjja, jachʼa tʼunjäwiw utjani.

13. Ucampis sapa tuncanitjja, mayniw kheparani. Jupanacasti cutjtapjjaniwa, tucqhatäpjjaraquiniwa, cunjämatejj tilo kokamp encina kokampejj llakanacap apanucusin chʼamap pachpan imantquejja, uqhämaw kollan jathajj jupanacan chʼamapäni.