1. Ucürunjja jumajj sätawa: Tatay, jumaruw jachʼar aptäma. Nayatac colerasc-chïtasa, jichhajj colerasiñamajj tʼacuriwa; jumasti nayarojj chuymachistawa.

2. Jïsa, Diosajj khespiyäwijjawa. Tatituw Jehova nayan chʼamañchirijjajja, nayan kʼochujjasa; ucat nayajj jupar iyawsä, janiraquiw ajjsarcäti. Jupasti khespiyäwijjaruw tucuraqui.

3. Uqhämasti, jumanacajj cusisiñampiw khespiyäw jalsunacat umjj apsupjjäta.

4. Ucürunsti jumanacajj aqhäm sapjjätawa: Tatitur yupaychapjjam, sutip aytapjjam, luräwinacap jakenacar khanañchapjjam, amtasipjjam sutipajj wali aytatawa.

5. Tatitojj muspharcañanac luri, ucat jupar kʼochupjjam. Ucajj takpach oraken yatitawa.

6. Artʼam, arnakam Sionanquir jake! Israelan Kollanapajj juma taypinjj jachʼawa.