፩ እነሆ፣ ጌታ፣ እንዲሁም አልፋና ኦሜጋ፣ የመጀመሪያውና የመጨረሻው፣ እንዲሁም ለአለም ኃጢአት የተሰቀለው እንዲህ ይላል—

፪ እነሆ፣ በእውነት፣ እውነት እልሀለሁ፣ አገልጋዬ ኑወል ናይት፣ በሾምኩህ ስልጣን ውስጥ ጸንተህ ቁም።

፫ እና ወንድሞችህ ጠላቶቻቸውን ለማምለጥ ፈቃድ ካላቸው፣ ለኃጢአቶቻቸው ሁሉ ንስሀ ይግቡ፣ እና በፊቴም በእውነት ትሁት እና የተዋረዱ ይሁኑ።

፬ እናም ለእኔ የገቡት ቃል ኪዳን ስለተሰበረ፣ ይህም ከንቱ ሆኗል እናም ተሽሮአልም።

፭ እናም በእርሱ ጠንቅ ማሰናከያ ለሚመጣበት ለዚያ ሰው ወዮለት፣ ወደ ጥልቅም ባሕር መሰጠም ይሻለው ነበርና።

፮ ቃል ኪዳንን የሚያከብሩት እና ትእዛዝን የሚከተሉት ግን የተባረኩ ናቸው፣ እነርሱም ምህረትን ያገኛሉና።

፯ ስለዚህ፣ ጠላቶቻችሁ እንዳይመጡባችሁ አሁን ሂዱ፣ ከአገሩም ሽሹ፤ እናም ተጓዙ፣ እና መሪያችሁ እና ገንዘቦችን እንዲከፍልላችሁ የምትሹትን ምረጡ።

፰ እንደዚሁም ወደ ምዕራብ ክፍለ ሀገሮች፣ ወደ ሚዙሪ ምድር፣ ወደ ላማናውያን ድንበርም ተጓዙ።

፱ ጉዟችሁን ከጨረሳችሁ በኋላም፣ እነሆ እንዲህ እላችኋለሁ፣ ስፍራን እስካዘጋጅላችሁ ድረስ፣ እንደ ሰዎች የምትኖሩበትን ፈልጉ።

፲ እና ደግሞም፣ እስክመጣ ድረስ በስቃይም ትዕግስተኛ ሁኑ፤ እናም፣ እነሆ፣ በቶሎም እመጣለሁ፣ እና ደመወዜ ከእኔ ጋር ነው፣ እናም እኔን ተግተው የሚሹኝም ለነፍሳቸው እረፍትን ያገኛሉ። እንዲሁም ይሁን። አሜን።