Pag-alaala sa mga dakilang bagay na ukol sa Diyos
Eighth International Art Competition
Isipin ang maraming kaloob at pagpapalang ibinigay sa atin ng ating Ama sa Langit at ni Jesucristo. Sa pagkilala sa mga kaloob at pagpapalang ito sa ating buhay, nagpapakita tayo ng pagpipitagan sa Diyos at napapalakas ang ating mga patotoo. Ang ating pananampalataya ay maipapahayag sa mga nota ng isang himno, sa paghubog ng luwad, o sa mga hagod ng pinsel.
Ang pagpasok ko sa exhibit ng Eighth International Art Competition sa Conference Center sa Salt Lake City, Utah, ay parang pagpasok sa isang pulong-patotoo ng mga miyembro mula sa 44 na bansa. Sa (Doktrina at mga Tipan 115:5) mababasa natin, “Bumangon at magliwanag, nang ang inyong liwanag ay maging isang sagisag sa mga bansa,” at ito mismo ang ginagawa ng gawang-sining nitong mga artist na Banal sa mga Huling Araw.
Kasama sa mga entry sa paligsahang ito na idinaraos tuwing ikatlong taon ang mga dibuho at gawang-kamay na mga disenyong kakikitaan ng temang “Pag-alaala sa mga Dakilang Bagay na Ukol sa Diyos.” Ang ating tahanan sa lupa, ang ipinanumbalik na ebanghelyo, at ang mahalagang Pagbabayad-sala ng ating Tagapagligtas ay ilan sa mga paksang ipinakita ng mga artist. Sa 1,089 na isinumite, halos 200 ang napiling idispley, kasama na ang 20 Merit Award at 18 Purchase Award. Kahit tapos na ang eksibit sa Conference Center, makikita pa rin ito online sa ArtExhibit.lds.org. Ang pagkakita sa sining ay nagbibigay ng pagkakataong espirituwal na mapalakas ng nahahawakang mga patotoong ito.
Kaliwa: Ang Anak, ni Kathleen Bateman Peterson, USA, Merit Award
“Ito ay isang dibuho tungkol sa pinakadakilang kaloob ng Diyos sa atin—ang buhay mismo.”
Itaas: Isang Mabait na Babae Sinong Makakasumpong? II, ni Louise Parker, South Africa, Purchase Award
“Nais kong ilarawan ang banal na kasulatan [Mga Kawikaan 31] at ipagdiwang din ang mga likas na katangian ng kababaihan sa Africa. Napakasipag nila at bukas-palad at nakakapagtiis … nang buo ang kanilang dangal.”
Ibaba: Pag-ibig, ni Nnamdi Okonkwo, Nigeria, Merit Award
“Ang lilok na ito na yari sa tansong metal ay papuri sa pagiging ina.”
Kaliwa: Tutungo Ako Saanman Ninyo Nais, ni Ramon Ely Garcia Rivas, Ecuador, Purchase Award
“Makikita ang mga bata pang misyonero na nagtuturo ng ebanghelyo sa isang pamilyang investigator na nakatira sa isang bahay sa balsa, na tipikal sa mga mamamayan ng Babahoyo River sa Ecuador.”
Kanan: Pagtigil sa Daan, ni Carmelo Juan Cuyutupa Caares, Peru
“Nakadama ng kaunting galak ang mga pioneer sa kanilang pagtawid kaya nagpahinga sila sandali, sa kabila ng kanilang pagod, at tumigil sa daan.”
Kaliwa: Hindi Sila Nag-alinlangan, ni Joseph Brickey, USA
“Oo, [ang mga kabataang mandirigma] ay tinuruan ng kanilang mga ina, na kung hindi sila mag-aalinlangan, sila ay ililigtas ng Diyos” (Alma 56:47).
Itaas: Nagpapasalamat Kami (Mga Kawikaan 22:6), ni Elisabete Lina Miota, Brazil
“Ang panalanging itinuro ng mga magulang ang unang pakikipag-ugnayan sa Ama sa Langit na matututuhan at makakasanayan ng isang sanggol na 16 na buwan pa lamang.”
Kanan: Mga Hakbang ng Pananampalataya, ni Alfred Igbinigie, Nigeria
“Ang ukit na ito sa kahoy ay nagpapakita ng mga problema ng mga Banal sa Missouri, 1838.”
Itaas: Agape, ni Valeriano Ugolini, Italy
“Ang dibuhong ito ay isang biswal at simbolikong representasyon ng pagmamahal ng Diyos sa tao, at ng pagmamahal ng tao sa Diyos, na nakasaad sa Juan 3:16.”
Ibaba: Mga Durungawan ng Langit, ni Emily McPhie, USA, Purchase Award
“[Nang tingnan ko ang maliit kong anak na babae], naligayahan ako at napaluha. Parang bumukas ang mga dungawan ng langit sa kanyang mga mata at bumuhos ang pagmamahal at liwanag. Ang mga bata ay isang natatanging kaloob.”
Kaliwa: Martin Handcart Company, Mellor Family, ni Douglas McGarren Flack, USA
“Ang buong pamilyang ito na binubuo ng siyam na katao ay nakaligtas sa paglalakbay patungong Sion.”
Kanan: Nag-ugat, ni Heidi Renee Somsen, Canada
“Katulad ng pagkapit ng mga ugat ng puno sa lupa, ang mga pamilya ay sama-samang nabibigkis ng pagmamahalan sa ebanghelyo at literal na nabibigkis sa pamamagitan ng mga ordenansa sa templo.”
Kanan: Paghahanda para sa Sabbath, ni Mthulisi Ncube, Zimbabwe
“Binabasa ng batang babae ang kanyang mga takdang-aralin sa banal na kasulatan, at naglalaba ng damit ang kababaihan sa paghahanda para sa Sabbath sa kabukiran ng South Africa.”
Itaas: Kakahuyan ng Getsemani, ni Derek J. Hegsted, USA
“Sa isang biyahe sa Israel, nakakita ako ng kakahuyan ng mga punong olibo at nag-isip ako kung bakit ‘madalas nakikipagkatipon’ si Cristo sa Getsemani (tingnan sa Juan 18:2). … Lahat ng anyo ng buhay [ay] may kaugnayan sa Dakilang Lumikha. … Sa pamamagitan ng dibuho, tila angkop lamang papurihan ang lahat ng saksi sa Kanyang kabanalan.”
Itaas: Pagharap sa Kawalang-Hanggan, ni Del Parson, USA
“Sa pagtatapos ng araw, pinagninilayan ng Tagapagligtas ang plano ng Kanyang Ama. Ang mga albor [masts] ng mga bangkang pangisda ay kumakatawan sa mga krus na naghihintay sa Kanya sa huling yugto ng Kanyang buhay sa lupa.”
Kaliwa: Turuang Lumakad sa Liwanag, ni Ai Meng Tsai, Taiwan, Purchase Award
“Naipahayag ko ang ideyang ipinararating sa bantog na awiting pambatang ito.”
Itaas: Pinatawad ang Kanyang mga Kasalanan, Dahil Nagmahal Siya nang Husto, ni Roger Cushing, USA
“Ang pananampalataya at pagsisisi ng babae ang umakay sa kanya para humingi ng tawad sa Panginoon. … Dahil sa nakatutubos na pagmamahal ng Panginoon, nakadama siya ng pag-asa.”