57
Vordag fagran
Glaðlega
1. Vordag fagran frækorn smátt
fast í jörðu svaf,
unz blessuð sumarsólin kom
og sína birtu gaf.
Ó, vakna, frækorn, vakna nú
af vetrarblundi þeim,
því dagur ljómar, lyft þér upp
í ljóssins bjarta geim.
2. Vordag fagran frelsarinn
fullan sigur hlaut
og tæmdi grafar dómsins djúp
og dauðans hlekki braut.
Ó, veröld sofin, vakna, vakna
við þann sigurhreim,
sem opnar öllum leið til lífs,
lít upp í ljóssins geim.
3. Faðirinn og sonurinn
saman birtust þar,
sem Jósef kær í kyrrum lund
á knjám til bænar var.
Ó, vaknið, þjóðir, fagnið allar,
frelsis boðskap þeim,
er lýsir öllum lífsins veg
til ljóss Guðs dýrðar heim.
Texti: Virginia Maughan Kammeyer, f. 1925. © 1989 IRI
Íslensk þýðing: Jón Hj. Jónsson
Lag: Crawford Gates, f. 1921. © 1989 IRI