ឯកសារគ្រូបង្រៀន មេរៀនទី ២៦ ៖ សាសនាចក្រនៅទិសខាងលិច

« ឯកសារគ្រូបង្រៀន មេរៀនទី ២៦ ៖ សាសនាចក្រនៅទិសខាងលិច » ឯកសារគ្រូបង្រៀនមូលដ្ឋានគ្រឹះនៃការស្តារឡើងវិញ( ឆ្នាំ ២០១៩ )

« ឯកសារគ្រូបង្រៀន មេរៀនទី ២៦ » ឯកសារគ្រូបង្រៀនមូលដ្ឋានគ្រឹះនៃការស្តារឡើងវិញ

ឯកសារគ្រូបង្រៀនមេរៀនទី ២៦

សាសនាចក្រនៅទិសខាងលិច

ការស្ថាបនាសាសនាចក្រនៅទិសខាងលិចនៃសហរដ្ឋអាមេរិកគឺជារឿងនៃសេចក្តីជំនឿដ៏អស្ចារ្យ ។ មេរៀននេះនឹងផ្តល់ឱកាសមួយឲ្យសិស្សរៀនមេរៀនចេញពីពួកបរិសុទ្ធដ៏ស្មោះត្រង់ ដែលបានស្ថាបនាគ្រឹះរបស់ពួកគេនៅលើព្រះយេស៊ូវគ្រីស្ទ ហើយបានពលីជីវិតរបស់ពួកគេដើម្បីកសាងនគររបស់ទ្រង់ ។ វាក៏នឹងជួយសិស្សឲ្យយល់កាន់តែច្បាស់ផងដែរពីហេតុការណ៍ដ៏អន្តរាយមួយនៃប្រវត្តិសាសនាចក្រ ចាប់តាំងពីពេលនេះដែលបង្ហាញពីការចេញដំណើរដ៏ពិតប្រាកដនៃការបង្រៀនដំណឹងល្អរបស់ព្រះអង្គសង្រ្គោះ ៖ ភ្នំម៉ៃដូស៍ ម៉ាស្សាក្រី ។

យោបល់សម្រាប់ការបង្រៀន

ពួកបរិសុទ្ធបានបន្តកសាងនគររបស់ព្រះអម្ចាស់តាមរយៈសេចក្តីជំនឿ និងពលិកម្ម ។

សូមដាក់តាំងរូបភាពប៉ាក់ដែលភ្ជាប់មកជាមួយ ឬយករូបភាពមួយរបស់អ្នកផ្ទាល់មកថ្នាក់ ។ សូមបញ្ជាក់ថាសិស្សយល់ថា រូបភាពប៉ាក់ត្រូវបានបង្កើតឡើងដោយប៉ាក់ចេញពីអំបោះជាច្រើនចូលគ្នាយ៉ាងស្មុគស្មាញ ហើយផ្គុំចូលគ្នាយ៉ាងសាំញ៉ាំដើម្បីផលិតបានរូបភាព ឬការរចនាដ៏ស្រស់ស្អាតមួយ ។

រូបភាពប៉ាក់របស់ព្យាការី និងព្រះវិហារបរិសុទ្ធ

សូមអញ្ជើញសិស្សម្នាក់ឲ្យអានសេចក្ដីថ្លែងការណ៍ខាងក្រោមដោយអែលឌើរ ស្ទីវីន អ៊ី ស្នូ នៃពួកចិតសិបនាក់ ដែលពីមុនបានបម្រើជាអ្នកប្រវត្តិសាស្រ្ត និងអ្នកកត់ត្រារបស់សាសនាចក្រ ។

ប្រសិនបើអ្នកគិតពីប្រវត្តិសាសនាចក្រដូចជាផ្ទាំងក្រណាត់ដេរភ្ជាប់គ្នា ឬជារូបភាពប៉ាក់ នោះវាគឺជារឿងដ៏ស្រស់ស្អាតបំផុតដែលខ្ញុំមិនធ្លាប់ឃើញ ។ ប្រសិនបើអ្នកពិនិត្យមើលវាដោយយកចិត្តទុកដាក់ នោះអ្នកនឹងរកឃើញអំបោះពិសេសៗមួយចំនួនក្នុងផ្ទាំងក្រណាត់ដេរភ្ជាប់គ្នា ឬរូបភាពប៉ាក់នោះ ហើយប្រសិនបើអ្នកទាក់ចិត្តលើវា ហើយខ្វល់តែពីអំបោះទាំងនោះ អ្នកនឹងរំលងសារលិខិតដ៏អស្ចារ្យនៃប្រវត្តិសាស្រ្តរបស់យើង ។ ប្រសិនបើអ្នកនឹងបោះជំហានថយក្រោយ ហើយមើលទៅផ្ទាំងក្រណាត់ដេរភ្ជាប់គ្នា ឬរូបភាពប៉ាក់នោះ វាស្រស់ស្អាតណាស់ ។ ( ស្ទីវីន អ៊ី ស្នូ « Start with Faith: A Conversation with Elder Steven E. Snow » Religious Educator លេខ ៣ [ ឆ្នាំ ២០១៣ ] ទំព័រ ១១ )

សូមពន្យល់ថា ចេញពីប្រវត្តិសាសនាចក្រនៅទិសខាងលិចពីដើម មានដំណើររឿងរាប់ពាន់របស់ពួកបរិសុទ្ធដ៏ស្មោះត្រង់ ដែលខិតខំធ្វើតាមព្រះយេស៊ូវគ្រីស្ទ និងកសាងសាសនាចក្ររបស់ទ្រង់ បានបង្កើតជារូបភាពប៉ាក់ដ៏ស្រស់ស្អាតនៃសេចក្តីជំនឿ ។

សូមស្វែងរកថាតើសិស្សណាម្នាក់អានដំណើររឿងណាមួយពីក្នុង ផ្នែកទី ១ នៃឯកសាររៀបចំ ។ សម្រាប់ដំណើររឿងនីមួយៗ សូមអញ្ជើញសិស្សម្នាក់ឲ្យធ្វើដូចខាងក្រោម ៖

សូមសង្ខេបដំណើររឿងដែលពួកគេបានអាន ។
សូមពន្យល់ពីរបៀបដែលពួកបរិសុទ្ធថ្ងៃចុងក្រោយ ឬពួកបរិសុទ្ធនៅក្នុងដំណើររឿងនោះ បានបង្ហាញសេចក្តីជំនឿរបស់ពួកគេលើព្រះយេស៊ូវគ្រីស្ទ និងដំណឹងល្អដែលបានស្តារឡើងវិញរបស់ទ្រង់ ។
សូមចែកចាយមេរៀន ឬគោលការណ៍ដែលពួកគេបានរៀនចេញពីដំណើររឿងនេះ ។

សូមអនុញ្ញាតសិស្សដទៃទៀតដែលបានអានដំណើររឿងដូចគ្នាឲ្យបន្ថែមគំនិតរបស់ពួកគេ ពីមុនចូលទៅដំណើររឿងថ្មីទៀត ។

សមាជិកសាសនាចក្រពីសម័យដើមបានដាក់ផែនការ និងអនុវត្តផែនការភ្នំម៉ៃដូស៍ ម៉ាស្សាគ្រី ។

សូមបង្ហាញរូបភាពភ្ជាប់មកជាមួយ ហើយពន្យល់ទៅសិស្សថា នេះគឺជារូបភាពបូជនីយដ្ឋានទីបញ្ចុះសពនៅភ្នំម៉ៃដូស៍ ម៉ាស្សាក្រី ដែលបានកសាងដោយសាសនាចក្រនៅផ្នែកខាងត្បូងរដ្ឋយូថាហ៍ ។ សូមពន្យល់ថា គួរឲ្យសោកស្តាយហេតុការណ៍អាក្រក់នៅភ្នំម៉ៃដូស៍ គឺជាដំណើររឿងដែលមិនអាចបំភ្លេចបានក្នុងប្រវត្តិសាស្រ្តរបស់ពួកបរិសុទ្ធ ។

សូមសួរសិស្សពីអ្វីដែលពួកគេបានរៀនចេញពីអំណានរបស់ពួកគេអំពីភ្នំម៉ៃដូស៍ ម៉ាស្សាគ្រី ។ សូមបញ្ជាក់ថា សិស្សយល់ថានៅថ្ងៃទី ១១ ខែ កញ្ញា ឆ្នាំ ១៨៥៧ មានពួកជីវពលក្នុងមូលដ្ឋានប្រមាណជា ៥០ ទៅ ៦០ នាក់ នៅភាគខាងត្បូងនៃរដ្ឋយូថាហ៍ ដោយមានជំនួយពីពួកអាមេរិកាំងដើមមួយចំនួន បានសម្លាប់ពួកអន្តោប្រវេសន៍ប្រមាណ ១២០ នាក់ដែលបានធ្វើដំណើរតាមរទេះទៅកាន់រដ្ឋកាលីហ្វ័រញ៉ា ។ មានតែក្មេងៗចំនួន ១៧ នាក់ប៉ុណ្ណោះដែលនៅមានជីវិត ។

តើមានហេតុការណ៍ និងការជ្រើសរើសអ្វីខ្លះទៀតដែលបានដឹកនាំទៅរកសោកនាដកម្មនៅភ្នំម៉ៃដូស៍ ? ( ប្រសិនបើចាំបាច់ សូមឲ្យពេលសិស្សពីរបីនាទីដើម្បីមើលផ្នែកទី ២ នៃឯកសាររៀបចំនេះ ) ។

សូមពិចារណាសុំសិស្សឲ្យចែកចាយគោលការណ៍ និងសេចក្តីពិតទាំងឡាយចេញពីព្រះគម្ពីរដែលអាចជួយដល់ពួកអ្នកតាំងលំនៅដ្ឋានទាំងនេះឲ្យធ្វើការជ្រើសរើសខុសគ្នា ។ ( ឧទាហរណ៍មួយចំនួនអាចរួមមាន សុភាសិត ២៨:១៣; នីហ្វៃទី ៣ ១២:២៤–២៥, ៤៣–៤៤; គោលលទ្ធិ និង សេចក្តីសញ្ញា ៦៤:៩–១១ ) ។

តើមេរៀនអ្វីខ្លះដែលយើងអាចរៀនចេញពីសោកដនាកម្មនៅភ្នំម៉ៃដូស៍ ម៉ាស្សាក្រី ? ( សូមគិតពីការសរសេរចម្លើយរបស់សិស្សដាក់លើក្ដារខៀន ) ។

អ្នកអាចផ្តល់ពេលឲ្យសិស្សមួយនាទី ឬពីរនាទីដើម្បីសរសេរ ឬចែកចាយពីរបៀបដែលគោលការណ៍ទាំងនេះអាចការពារមិនឲ្យមានការឈឺចិត្តដែលមិនចាំបាច់កើតឡើងក្នុងជីវិតរបស់ពួកគេផ្ទាល់ ។

សូមពន្យល់ថា ពីព្រោះសមាជិកសាសនាចក្រក្នុងមូលដ្ឋានមួយចំនួន និងថ្នាក់ដឹកនាំទទួលខុសត្រូវលើការដាក់ផែនការ និងការអនុវត្តផែនការភ្នំម៉ៃដូស៍ ម៉ាស្សាក្រី នោះមានមនុស្សមួយចំនួនបានបណ្តោយឲ្យហេតុការណ៍នេះជះឥទ្ធិពលអវិជ្ជមានលើទស្សនៈរបស់ពួកគេអំពីសាសនាចក្រ ។

តើអ្នកអាចនិយាយអ្វីទៅកាន់នរណាម្នាក់ដែលគិតអវិជ្ជមានអំពីសាសនាចក្រ ដោយសារតែការសម្លាប់នៅភ្នំម៉ៃដូស៍ ម៉ាស្សាក្រី ? ( សូមអញ្ជើញសិស្សឲ្យទាញយកអ្វីដែលពួកគេបានរៀនមកពីផ្នែកទី ២នៃឯកសាររៀបចំ ) ។

សូមអញ្ជើញសិស្សឲ្យអាន ហើយស្វែងរកគោលការណ៍មួយចេញពី ហេលេមិន ៥:១២ ។ សូមដាក់តាំងសេចក្តីថ្លែងការណ៍ខាងក្រោម ។ សូមអញ្ជើញសិស្សម្នាក់ឲ្យអានវាឲ្យឭៗ ហើយសូមឲ្យសិស្សក្នុងថ្នាក់ស្វែងរករបៀបដែលវាបង្ហាញពីគោលការណ៍ដែលបានបង្រៀននៅក្នុង ហេលេមិន ៥:១២ ។

ជេមស៍ សេនឌើរ ជាសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលជាជីតាទួតរបស់ ណេនស៊ី សាហ្រូណា ហ៊ហ្វ ជាក្មេងម្នាក់ក្នុងចំណោមក្មេងដែលនៅមានជីវិតចេញពីការសម្លាប់នោះ ។ បងប្រុស សេនឌើរ បានចែកចាយអារម្មណ៍ទាំងអស់នេះអំពីការសម្លាប់នោះថា ៖ « ខ្ញុំនៅតែមានអារម្មណ៍ឈឺចាប់ ហើយនៅតែមានអារម្មណ៍ថា ខឹងចំពោះអ្វីដែលបានកើតឡើងនៃការសម្លាប់នោះ ។… ប៉ុន្តែខ្ញុំដឹងថា មនុស្សដែលបានធ្វើរឿងទាំងនេះនឹងទទួលខុសត្រូវចំពោះមុខព្រះអម្ចាស់ ហើយវាក៏នាំមកឲ្យខ្ញុំនូវសន្តិភាព » ។ បងប្រុស សេនឌើរ បាននិយាយថា « ការដឹងថា បុព្វការីជន [ ម្នាក់ ] ត្រូវបានសម្លាប់នៅក្នុងការសម្លាប់រង្គាលនេះ ‹ មិនបានជះឥទ្ធិពលលើសេចក្តីជំនឿរបស់ខ្ញុំទេ ពីព្រោះសេចក្តីជំនឿរបស់ខ្ញុំគឺលើព្រះយេស៊ូវគ្រីស្ទ មិនមែនលើបុគ្គលណាម្នាក់ក្នុងសាសនាចក្រនោះទេ › » ( នៅក្នុង Richard E. Turley Jr. « The Mountain Meadows Massacre » Ensign ខែ កញ្ញា ឆ្នាំ ២០០៧ ទំព័រ ២១ ) ។

តើគោលការណ៍ដែលបានបង្រៀននៅក្នុងហេលេមិន ៥:១២នេះ បានបង្ហាញឡើងនៅក្នុងសេចក្តីថ្លែងការណ៍របស់ ជេមស៍ សេនឌើរ យ៉ាងដូចម្តេច ? ( បន្ទាប់ពីសិស្សឆ្លើយរួច សូមសរសេរគោលការណ៍ដូចតទៅនេះនៅលើក្ដារខៀន ៖ការកសាងសេចក្ដីជំនឿរបស់យើងនៅលើគ្រឹះនៃព្រះយេស៊ូវគ្រីស្ទ និងដំណឹងល្អរបស់ទ្រង់ជួយយើងឲ្យនៅរឹងមាំ ទោះជាមានមនុស្សឈប់ធ្វើជាសមាជិកសាសនាចក្រក្តី )
តើការពឹងផ្អែកទៅលើសេចក្ដីជំនឿរបស់យើងនៅលើព្រះយស៊ូវគ្រីស្ទ ជួយយើងនៅពេលយើងមើលឃើញ ឬរៀនពីឧទាហរណ៍ទាំងឡាយដែលសមាជិកនៃសាសនាចក្របរាជ័យក្នុងការរស់នៅតាមការបង្រៀនដំណឹងល្អ យ៉ាងដូចម្តេច ?
តើអ្នកធ្វើអ្វីដែលជួយអ្នកឲ្យកសាង និងរក្សាសេចក្តីជំនឿរបស់អ្នកលើគ្រឹះនៃព្រះយេស៊ូវគ្រីស្ទ ?

សូមទុកពេលវេលាឲ្យសិស្សគិត និងសរសេរនូវអ្វីដែលពួកគេនឹងធ្វើដើម្បីរក្សា ហើយពង្រឹងសេចក្តីជំនឿរបស់ពួកគេនៅលើព្រះយេស៊ូវគ្រីស្ទ និងដំណឹងល្អរបស់ទ្រង់ ។

សូមថ្លែងទីបន្ទាល់ពីសារៈសំខាន់នៃការរស់នៅតាមការបង្រៀនរបស់ព្រះអង្គសង្រ្គោះ និងការពឹងផ្អែកសេចក្តីជំនឿរបស់យើងលើទ្រង់ និងដំណឹងល្អរបស់ទ្រង់ ទោះបីជាមានមនុស្សឈប់ធ្វើជាសមាជិកនៃសាសនាចក្រក្តី ។ នៅពេលយើងធ្វើដូច្នេះ យើងអាចជួយជំរុញនគររបស់ព្រះគ្រីស្ទ ឆ្ពោះទៅមុខដូចជាពួកអ្នកត្រួសត្រាយផ្លូវដ៏ស្មោះត្រង់បានធ្វើដែរ ។

សម្រាប់ពេលក្រោយ

សូមសួរសិស្ស ប្រសិនបើពួកគេធ្លាប់ត្រូវបានគេសួរអំពីមូលហេតុដែលសាសនាចក្រត្រូវបានដកសិទ្ធិអំណាចបព្វជិតភាព និងពិធីបរិសុទ្ធព្រះវិហារបរិសុទ្ធមួយចំនួនចេញពីពួកសមាជិកអំបូរអាហ្រ្វិកស្បែកខ្មៅអស់មួយរយៈពេល ។ សូមពន្យល់ថា នៅក្នុងការរៀបចំសម្រាប់ថ្នាក់ក្រោយទៀត សិស្សនឹងមានឱកាសដើម្បីរៀនអំពីប្រធានបទនេះ និងវិវរណៈដែលទាក់ទងនឹងប្រធានបទនេះនៅក្នុងសេចក្តីប្រកាសជាផ្លូវការទី ២ដែលព្យាការីបានលៃលកទុកជាមុនអស់ជាច្រើនឆ្នាំមក ។ សូមអញ្ជើញសិស្សឲ្យមករៀនដោយបានរៀបចំខ្លួនជាមុនដើម្បីពិភាក្សាពីអ្វីដែលពួកគេរៀន ហើយឆ្លើយសំណួរនានាដែលពួកគេមានអំពីប្រធានបទនេះ ។