Miaku ya Kumanya

Anyima:Udi umvuija momua ne muntu (mubidi ne nyuma pamua). Imua misangu, muaku ewu udiku bua kuakula bua nyuma wa muntu.

Bamamu bakubi:Bantu bakaji bapeshibua dibikila bua kutangila majinga a mu nyuma ne mu mubidi a bidimba bia mu bikongu biabu. Dibikila edi didi bua bantu bakaji bonsu ba mu EKelezia. Badi nangananga babapesha bênabu ne babapesha bamua bantu bakaji bua kukumbula.

Batatu bakubi:Bantu baluma bapeshibua dibikila dia kutangila majinga a mu nyuma ne mu mubidi a bidimba bia mu bikongu biabu. Dibikila edi didi bua bantu baluma bonsu ba mu Ekelezia. Badi nangananga babapesha bênabu ne babapesha bamua bantu ne amua mêku a kukumbula.

Biakudia bia Tshijila:Mululu udi bidimba bia Ekelezia biabanyangana diampa ne mâyi bidi bileja mubidi ne mashi a Yezu bua kutuvuluija Bupikudi buenda bua mibi.

Bipungidi:Malaya a tshijila adi menza pankatshi pa Tatu wetu wa mu Diûlu ne muntu.

Bisamba dikumi:Ndelanganyi ya dikumi dia ku bana baluma dikumi ne babidi ba Isalele (Yakoba) bavua bangatshibua ku bupika ne badi bajimina bilondeshila dimanya dia bantu.

Buakuidi:Bukôkeshi budi Tatu wetu wa mu Diûlu upesha bantu baluma bua kuenza mudimu wenda ne bua kuakula buenda. Kudi bitupa bibidi: Bunena anyi Buakuidi bua Melekisedeke ne Bukesa anyi Buakuidi bua Alona.

Buakuidi bua Alona:Bukôkeshi bukesa bua ku makôkeshi abidi a buakuidi adi Tatu wetu wa mu Diûlu mupesha bantu baluma pa buloba bua kuenzejibua mu dîna dienda bua lupandu lua bana benda. Buakuidi bukesa ebu mbupeta dîna diabu kudi Alona, muanabu ne Mose, ne budi bushilangana ne bua bunena anyi Buakuidi bua Melekisedeke. Buakuidi bua Alona budi buangata midimu ya diakre, mulongeshi, muakuidi, ne muepiskopo.

Buakuidi bua Melekisedeke:Bukôkeshi bunena bua ku makôkeshi abidi, budi buikala ne midimu ya mukulu, muakuidi munena, nkambua mukulu, Muyidi wa Makumi Muanda Muteketa, ne Mupostolo.

Bukalenga bua selestiya:Budi bukalenga budi bantu bakana basomba kumpala kua Tatu wetu wa mu Diûlu ne bapiana bionsu bidiye nabi.

Bukalenga bua telestiya:Bukalenga bua kuinshi bua ku makalenga asatu a butumbi mudi bantu batumibua panyima pa dibika dia ku lufu. Bukalenga ebu budi bulamina bena mafi, bashipianganyi, aba badi biba, ne bakuabu bantu babi.

Bukalenga bua terestiya:Bukalenga bua butumbi budi ngikadilu muikala muinshi mua bukalenga bua selestiya, kadi buikala ku bukalenga bua telestiya. Budi bulamina bantu bimpa ba pa buloba badi kabayi benza bionsu bivua Tatu wetu wa mu Diûlu mubalomba.

Bukenji:(1) Muaba wa mu buloba udi Ekelezia muikala ukumbaja mudimu wa bukenji anyi muikala upangadika bua kuenza nanku. Udi pa tshibidilu mukosolola mu bitupa bikesa bibikidibua ne madistrika. (2) Dibikila dia kudi mulombodi wa Ekelezia bua kuyisha lumu luimpa anyi kusadila bua tshitupa tshia diba tshisunguluka.

Bupikudi:Kufuta kua Yezu, kupitshila ku makenga ne lufu, bua mibi ya bantu bonsu, kudi kubanyishila bua kusulakana ku bipeta bia lufu lua mu mubidi ne lua mu nyuma bivua bifuma ku disambuka dia mikenji dia Adama ne ditapuluka dia muntu ne Tatu wetu wa mu Diûlu.

Diakre:Mudimu wa kumpala mu Buakuidi bua Alona, udi mua kufidibua kudi bidimba bia baluma bia Ekelezia kubanga mu Ngondu wa Kumpala wa tshidimu tshidiye ukumbaja bidimu 12. Udi ubapesha bukôkeshi bua kukumbaja amua majitu makesa a mu mubidi.

Diambika:Mabenesha adi afidibua kudi Tatu wetu wa mu Diûlu mu ntempelo ne adi akengedibua bua kupeta dizanjikibua.

Dianyisha dia Kubuela mu Ntempelo:Dikeji ditua tshiala didi dianyishila muntu bua kubuela mu umua wa ku ntempelo ya Ekelezia. Bua kupeta dibeji, muntu udi ne bua kuikala tshidimba tshia Ekelezia tshikumbana. Dianyishi didi difidibua kudi balombidi ba buakuidi bakumbanyina, badi bajadika dikumbana bua muntu.

Dibaka dia tshiendelela:Dibaka didi disuikibua mu ntempelo ne ditungunuka tshiendelela panyima pa lufu luetu bituikala bakumbana bua kusomba ne Tatu wetu wa mu Diûlu.

Dibika dia ku Lufu:Kusangila kua mubidi ne nyuma panyima pa lufu, bua kuenza mubidi udi kawuyi ufua.

Dibua dia Mushinga Mukola:Mukanda wa mifundu udi ne mifundu ya Mose, Abalahama, ne Joseph Smith. Dîna mpidiewu didi diumvuinja dibua dia masanga, tshidi tshikala mushindu udi bidimba bia Ekelezia batangila mushinga wawu.

Dibuluibua:Dimanya difila kudi Tatu wetu wa mu Diûlu kudi muntu, pa tshibidilu kupitshila ku lungenyi lua kudi Nyuma wa Tshijila, didi ditangila malu a kala, a mpidiewu, anyi a matuku alualua.

Dikudimuna dia Mutshima:Dienza didi muntu udi muenza bubi wangata mu mushindu wa kubuikidibua. (Tangila shapita 14.)

Dikunji:Ndongoluelu wa bidimba mu tshitupa tshia bulaba mudi Ekelezia mulongolodibua mu bujima ne mulombodibua kudi balombodi ba buakuidi basungula. Didi dikosolola mu bitupa bikesa bibikidibua ne bikongu anyi matamba.

Dilolo dia mu dîku:Tshisangilu tshia dîku, pa tshibidilu mu Dimua dionsu dilolo, mu tshikondu etshi dîku didi dimba misambu, dilonga lumu luimpa, dilejangana ntatu yonsu idibu nayi, dienza manaya, ne dienza makuabu malu mu dîku.

Dilongesha ne Bipungidi:Mukanda wa mifundu udi ne mêyi a Tatu wetu wa mu Diûlu bua bantu ba bikondu bia lelu.

Dilua Dibidi:Dipingana dia Mupandishi wetu, Yezu Kilisto, bua kubangisha Tshikondu tshia Bidimu Tshinunu, anyi tshitupa tshia bidimu tshinunu tshia ditalala.

Dipa dia Nyuma wa Tshijila:Bunema bua kuikala ne bukola bua Nyuma wa Tshijila diba dionsu. Dipa edi didi difidibua panyima pa ditambula.

Dipambuka:(1) Ngikadilu wa kudiumbusha mu nyuma kudi Tatu wetu wa mu Diûlu. (2) Tshitupa tshia tshikondu tshivua malongesha a Tatu wetu wa mu Diûlu ne buakuidi buenda kabiyi pa buloba to.

Dipona dia Adama:Dishintuluka divua diluila Adama ne Eva bualu bavua badia tshimuma tshikandikibua. Tatu wetu wa mu Diûlu wakabumbusha kumpala kuenda, ne bakalua bantu ba lufu. Etshi tshiakapepejela bantu bonsu bua baledibua ne bafua.

Distrika:Tshitupa tshia bulaba anyi nkoselu udi ukoshibua mu matamba ku bulombodi bua bukenji bua Ekelezia. Didi ditangidibua kudi mulombodi mukulu ne babedi benda babidi.

Disuikibua:Mululu udi ukumbajibua mu ntempelo udi usangisha muluma ne mukaji, anyi bana kudi baledi babu bua tshiendelela.

Ditamba:Tshibikidilu tshia tshitupa tshia mutshi bua kuleja nkoselu mukesa anyi kabumua kalongolola ka ku dîku dialabala dia Ekelezia. Nkoselu ewu udi wenjibua mu mikalu ya bulaba idi bidimba bisombela ne bitutakena pamua ku butangidi bua basadidi banyishibua ba Tatu wetu wa mu Diûlu.

Ditambula:Mululu wa mushinga wa lumu luimpa, udi muntu wenza bipungidi ne Tatu wetu wa mu Diûlu bua kumutumikila, ne Tatu wetu wa mu Diûlu udi ulaya bua kubuikidila ne kusukula muntu ku bubi ne umuanyishila bua kuikala tshidimba tshia Ekelezia. Mululu udi uleja kuledibua kabidi mu kuinyishibua mu mâyi ne pashisha kujudibua kabidi ku moyo mupia-mupia. Mululu ewu udi ukumbajibua kudi aba badi banyishibua bua kuikala ne buakuidi ne kukuatshila Tatu wetu wa mu Diûlu mudimu.

Ditambula bua bafua:Ditambula dia mu ntempelo wa Tatu wetu wa mu Diûlu dia muntu udi ne moyo wenzejibua pa muaba wa muntu udi mufua.

Dituku dia Sabata:Dituku dia dikisha difila kudi Yezu bu dituku dia kukukuila Tatu wetu wa mu Diûlu ne kusadila bakuabu. Didi ditangidibua mu Dialumingu mu miaba ya bungi mu buloba bujima.

Diûlu:Muaba udi Tatu wetu wa mu Diûlu musomba. Imua misangu didi dileja muaba uvua nyuma yetu misomba kumpala kua kulua pa buloba, ne muaba udiyi iya patudi tufua (muaba wa nyuma). Kabidi udi dîna dia muaba udi bantu bakana balua kusomba bua tshiendelela panyima pa dibika dia ku lufu (bukalenga bua selestiya).

Dîyi dia Lungenyi:Mukenji wa kudi Tatu wetu wa mu Diûlu ne udi utuambila bitudi anyi bitudi katuyi ne bua kudia anyi kunua. Udi utamba kuamba ne, katuena ne bua kuangata mfuaka, tshiayi, ne café to. (Tangila shapita 27.)

Dizanjikibua:Moyo mu tshipidia tshila tshia mu bukalenga bua selestiya. Aba badi bapeta dizanjikibua nebalua bu Tatu wetu wa mu Diûlu.

Ekelezia:Tangila Ekelezia wa Yezu Kilisto wa Bansantu ba Matuku a Ndekelu.

Ekelezia wa Yezu Kilisto wa Bansantu ba Matuku a Ndekelu:Dîna dimanyika dia Ekelezia wa Yezu Kilisto, udiye mupinguluja kupitshila ku Muambi Joseph Smith mu tshikondu tshietu. Imua misangu Ekelezia ewu udi ubikidibua mu dîna dia bilela dia Ekelezia wa Molomo.

Kujidila:Kupesha muntu mukumbana mudimu mu buakuidi mu kumutentekela bianza.

Kutambuisha:Kuinyisha muntu mu mâyi ne pashisha kupatula muntu awu pambelu pa mâyi bua ikala ne moyo mupia-mupia. Tangila Ditambula.

Lufu lua mu mubidi:Lufu lutudi tupeta padi mibidi yetu itapulukibua ne nyuma yetu.

Lufu lua mu nyuma:Ngikadilu wa kuikala mutapuluka ne Tatu wetu wa mu Diûlu.

Lumu Luimpa:Malongesha a Yezu Kilisto, bikalawu alondibua, adi anyishila muntu bua kupingana bua kusomba kumpala kua Tatu wetu wa mu Diûlu.

Mambi:Mêyi a ngeyi ya nyuma a kudi muambi, pa tshibidilu adi atangila malu adi alua.

Mîdima ya Pambelu:Muaba walua kusomba Satana ne aba badi basungula bua kumulonda. Aba badi basombamu kabakusankishibua ne bukola bua Nyuma wa Tshijila to, ne nunku kabakuikala ne bukenka ne bulelela to.

Moyo wa tshiendelela:Kena usua kuamba amu ne kuikala ne moyo wa kashidi to, kadi udi umvuija kabidi ne kuikala ne moyo udi Tatu wetu wa mu Diûlu nawu, ne kulua bu yeya. Udi umvuija momumua ne dizanjikibua.

Mpaladizu:Tshitupa tshia muaba wa nyuma tshidi bantu bakana basomba.

Mpuilu:Tshisumbu tshilongolola tshia bantu baluma anyi basongaluma badi ne mudimu umua mu buakuidi. Mpuilu yonsu udi ulombodibua kudi muimanyinyi mukulu umua ne babedi babidi.

Muaba wa nyuma:Muaba udi nyuma ya bantu bonsu iya panyima pa lufu bua kuindila tô ne ku dika dia ku lufu.

Muakuidi:Mudimu wa mu Buakuidi bua Alona, udi mua kufidibua kudi bidimba bia baluma bikumbana bia Ekelezia kubanga mu Ngondu wa Kumpala wa tshidimu tshidiye ukumbaja bidimu 16. Mudimu ewu udi ubapesha bukôkeshi bua kukumbaja matambula ne majadikibua a Buakuidi bua Alona, bua kubensha biakudia bia tshijila, ne kukumbaja majitu makuabu.

Muakuidi Munena:Mudimu wa mu Buakuidi bua Melekisedeke udi ne bujitu bua dilondesha dia malu a nyuma.

Muambi:Muntu mubikila kudi Tatu wetu wa mu Diûlu bua kuyukila nenda bua akula buenda.

Mudimu:Muaba wa bukôkeshi mu buakuidi. (Tangila Diakre, Mulongeshi, Muakuidi, ne bikuabu.)

Muepiskopo:Mudimu wa mu Buakuidi bua Alona udi upesha muntu muluma bukôkeshi bua buimpa bua mubidi ne bua nyuma bua tshisumbu tshia bidimba bia Ekelezia.

Mukalenga:Dîna dia Nzambi. Didi misangu mikuabu dileja Tatu wetu wa mu Diûlu ne imua misangu dileja Yezu Kilisto.

Mukanda wa Molomo:Mukanda wa mifundu udi ne malongesha a Tatu wetu wa mu Diûlu bua bantu bavua basombela mu bitupa bia buloba bia mu Amelika.

Mukenji wa Bunonoka:Mukenji wa Tatu wetu wa mu Diûlu udi wamba bua ne, muntu udi ne bua kuikala ne mamanyangana a mubidi amu ne mubaki wenda.

Mukulu:Mudimu wa kumpala mu Buakuidi bua Melekisedeke mupesha kudi bantu baluma badi ne bidimu 18 anyi bakulumpa. Udi ubapesha bukôkeshi bua kukumbaja imua milulu, idi mikala mabenesha mu mioyo ya bakuabu bantu.

Mulambu:(1) Ku kala, tshivua dishipa dia nyama bua kutumikila mikenji ya Tatu wetu wa mu Diûlu. (2) Lelu, tshidi kulekela kua tshintu tshidi tshikala ne mushinga buetu, bu mudi diba ne mishindu, bua kuambuluisha bakuabu.

Mulambu wa kujila kua biakudia:Difila dia makuta malama a ku dijila biakudia njila ibidi. Udi ufidibua mu Ekelezia bua kuambuluisha bapela.

Mulongeshi:Mudimu wa mu Buakuidi bua Alona, udi mua kufidibua kudi bidimba bia baluma bikumbana bia Ekelezia kubanga mu Ngondu wa Kumpala wa tshidimu tshidiye ukumbaja bidimu 14. Dîna didi difuma ku bumua bua ku majitu a mudimu ewu, udi muikala bua kulongesha bidimba bia Ekelezia.

Mululu:Nsambidilu anyi mushìnga mukumbaja ku bukôkeshi bua buakuidi.

Mumonyi:Muntu udi mua kumona kumpala bualu bulualua bualu buvua bumubuluila kudi Tatu wetu wa mu Diûlu. Mumonyi udi bu mudi muambi.

Munsantu:Muaku udibu bamanyina tshidimba tshia Ekelezia mulelela wa Yezu.

Mupandishi:Muntu udi upandisha mukuabu ku bualu bubi. Yezu udi Mupandishi wetu bualu wakatupandisha ku lua mu mubidi ne lua mu nyuma.

Mupostolo:Mudimu wa mu Buakuidi bua Melekisedeke. Bapostolo badi bajadiki basunguluka ba Yezu Kilisto mu buloba bujima.

Muyidi wa ku Makumi Muanda Muteketa:Mudimu wa mu Buakuidi bua Melekisedeke. Muntu muluma udi ne mudimu ewu udi ntemu musunguluka wa Yezu Kilisto ne udi wambuluisha Bapostolo bua kulombola Ekelezia.

Nkambua Mukulu:Mudimu wa mu Buakuidi bua Melekisedeke udi ufidibua kudi muntu ukavu muakuidi munena, udi panyima pa kuikala mujibua ku mudimu wa nkambua mukulu, udi ufila mabenesha masunguluka abikidibua ne mabenesha a nkambua mukulu kudi bidimba bia Ekelezia bikumbana.

Nsapi ya buakuidi:Bunema bua kufila dianyisha bua kukumbaja milulu ya buakuidi.

Ntempelo:Nzubu wa tshijila, udi nangananga ulejibua bu nzubu wa Mukalenga, udi muaba udi milulu ya tshijila ikumbajibua, kukumbaja mululu wa dibaka dia tshiendelela.

Nyuma:Udi upesha mubidi moyo. Udi tshitupa tshia mubidi tshivuaku kumpala kua moyo ewu ne tshidi tshitungunuka kuikala ne moyo panyima pa lufu luetu. Nyuma ne mubidi nebisangishibua mu dibika dia ku lufu, bua kabitapuluki nansha.

Nyuma wa Tshijila:Muntu wa mu nyuma udi kayi ne mubidi wa musunyi ne udi ne kipatshila ka kujadika tshidi Tatu wetu wa mu Diûlu ne Yezu bamba ne benza. Patudi tuamba ne Nyuma wa Tatu wetu wa mu Diûlu udi netu, tudi bikala tuakula bua Nyuma wa Tshijila.

Nzambi:Muntu udi ku mutu ne udi ulombola bifukibua bionsu. Dîna dia Nzambi pa tshibidilu, didi dileja Tatu wetu wa mu Diûlu, kadi imua misangu mu mifundu didi dileja Yezu.

Nzubu wa Isalele:Yonsu wa ku ndelanganyi ya mu mashi anyi mikolesha ya bana dikumi ne babidi ba Yakoba, uvua dîna dishintuluka mu Isalele (tangila Genese 32:28).

Nzubu wa lukanu wa nyuma:Tshitupa tshia mu muaba wa nyuma tshidi ngikadilu isatu ya nyuma ya bantu iya panyima pa lufu: aba bavua bantu babi mu moyo ewu, aba bavua bantu bimpa kadi kabayi bitaba anyi bateka lumu luimpa mu tshienzedi, ne aba bavua kabayi baapeta mushindu wa kuteleja lumu luimpa. Ku ndekelu, bantu bonsu aba nebabika ku lufu.

Siona:Dîna dikuabu dia Yelushalema Mupia-Mupia, tshimenga tshialua Yezu kulombola buloba mu Tshikondu tshia Bidimu Tshinunu.

Tatu wa mu Diûlu:Muntu mujalama udi mufuanangana ne muntu udi ufua, kadi udi ne mubidi mubika ku lufu wa misunyi ne mifuba. Udi Tatu wa nyuma yetu, yeya ki utudi tusambila. Udi wa bukola bonsu ne udi kena ufua. Mmutunanga bualu tudi bana benda. Tudi kabidi tumubikila ne Tatu wa mu Diûlu.

Tatu wa mu Diûlu:Tangila Tatu wa mu Diûlu.

Tatu wa Tshiendelela:Dîna dikuabu ditudi tubikila Tatu wetu wa mu Diûlu.

Tshia Dikumi:Tshimua tshia pa dikumi tshia bionsu bitudi tupeta, tshidi tshifidibua mu Ekelezia.

Tshikondu tshia Bidimu Tshinunu:Bidimu tshinunu bia ditalala biabangisha padi Yezu ulua pa buloba kabidi mu tshidi tshikala tshilejibua bu Dilua Dibidi.

Tshikongu:Tshisumbu tshia bidimba bia Ekelezia tshilongolola mu dikunji, ne tshilombola kudi muepiskopo ne babedi benda babidi.

Yelushalema Mupia-Mupia:Tshimenga tshialua kuibakibua mu tshimenga tshia Missouri, mu Etats Unis, kumpala kua dibangisha dia Tshikondu tshia Bidimu Tshinunu. Yezu neateka bulombodi buenda, bukalenga bua Tatu wetu wa mu Diûlu pa buloba, mu muaba ewu mu Tshikondu tshia Bidimu Tshinunu.

Yezu Kilisto:Mukulumpa wa ku bana ba nyuma ba Tatu wetu wa mu Diûlu, Mufuki wa buloba, ne Mupandishi ne Musungidi wetu. Wakalua pa buloba bua kufuta bua mibi ya tuetu bonsu. (Tangila shapita misunguluka 3, 11, ne 12.)