Mataupu 13
O Iesu ma le Maota o Lona Tama Faalelagi
Na alu Iesu i le malumalu i Ierusalema. E toatele tagata sa i ai iina e osi a latou taulaga i le fasi o se manu ma susunu i luga o le fata faitaulaga. Sa fesoasoani le taulaga i tagata e mafaufau ai e uiga i le Faaola, o le a ositaulagaina Ia lava e ala i le puapuagatia ma le maliu mo i latou.
O nisi tagata sa leai se manu e osi ai taulaga. Na faatau atu e tagata ia manu ia i latou i totonu o le malumalu. Na mananao le au faatau ia tele ni a latou tupe. Sa le manatu i latou e uiga i le Atua.
Na iloa atu e Iesu tagata o loo faatau a latou manu i totonu o le malumalu. Na Ia fetalai atu o le malumalu o le fale o le Tama Faalelagi, o se nofoaga paia. Na Ia ta’u atu i tagata e le tatau ona faatau mai pe faatau atu ni mea iina.
Na faia e Iesu se sasa, fuli laulau, tau’ai i lalo tupe, ma tutuli ese le au faatau mai le malumalu. Sa Ia le faatagaina i latou e faia ni mea leaga i le fale o le Tama Faalelagi.