Mataupu 23
O Le Tagata Na Le Mafai Ona Savali
Sa aoao atu Iesu i se tasi aso i se vaega o tagata i totonu o se fale.
Sa amo mai e ni tagata i luga o se moega la latou uo e vaai ia Iesu. Sa le mafai ona savali lenei uo. Sa le mafai e tagata ona aumai o ia i totonu o le fale ona o le tele o tagata.
Na ave e tagata le latou uo i luga o le tumutumu o le fale. Sa latou aveesea se vaega o le tumutumu o le fale ma tuu ifo ai i lalo le latou uo i totonu o le fale.
Ina ua vaai atu o Ia i le tele o le faatuatua o nei tagata, o lea na fetalai atu ai Iesu i le tagata ma’i ua faamagaloina ana agasala. Na Ia fai atu ia te ia e ave lona moega ma alu i le fale. Na tu i luga le tamaloa. Ua malosi o ia. Na ia sii i luga lona moega ma savali i le fale. Sa matua faafetai atu o ia i le Atua.