Mataupu 19

O Le Lauga i luga o le Mauga

I se tasi aso na aoao atu ai e Iesu le talalelei i Ona soo i autafa o se mauga e latalata i le Sami o Kalilaia.

Mataio 5:1

Na Ia ta’u atu ia i latou auala e mafai ona latou ola ai ina ia latou maua le fiafia ma toe nonofo faatasi ai ma le Tama Faalelagi. O mea na Ia aoao atu ia te i latou e mafai foi ona tatou maua ai le fiafia.

Mataio 5–7

Na fetalai Iesu e tatau ona tatou agamalu, onosai, ma naunau e usitai i le Tama Faalelagi.

Mataio 5:5

E tatau ona tatou taumafai i le malosi tatou te mafaia ia amiotonu.

Mataio 5:6

E tatau ona tatou faamagalo atu i tagata e faatiga ia i tatou pe faia ni mea tatou te lē fiafia ai. Afai tatou te faamagalo ia i latou, o le a faamagalo i tatou e le Tama Faalelagi.

Mataio 5:7

E tatau ona avea i tatou ma e tausi le filemu, alofa i isi tagata, ma fesoasoani i tagata uma ia alofa le tasi i le isi.

Mataio 5:9

E le tatau ona tatou fefefe e ta’u atu i tagata e uiga i le talalelei pe faaali atu ia i latou tatou te alolofa i le Tama Faalelagi. Pe a vaai mai isi tagata ua tatou faia mea lelei, o le a fesoasoani ia i latou e talitonu ai foi i le Atua.

Mataio 5:14–16

E tatau ona tatou tausia pea a tatou folafolaga.

Mataio 5:33–37

Ma e pei ona tatou mananao i isi ia agalelei mai ia i tatou, e tatau foi ona tatou agalelei atu ia i latou.

Mataio 7:12

Na ta’u mai e Iesu pe a tatou faia nei mea, o le a tatou fiafia, o le a faamanuia i tatou e le Tama Faalelagi, ma o le a tatou toe nonofo faatasi ma Ia.

Mataio 5:2–12