Faasino Mataupu
O Punavai o Faamatalaga
O nisi o faamatalaga i lenei tusi sa maua mai i punavai e lē o ni tusitusiga paia e pei ona ta’ua i lalo.
Lomifefiloi o le Tusi Paia i le lomiga a le Au Paia o Aso e Gata Ai o le Faaliliuga a King James o le Tusi Paia (1979)
James E. Talmage, O Iesu o le Keriso, Lomiga lona 3 (1916)
Aoaoga a le Perofeta o Iosefa Samita, filifilia e Iosefa Filitia Samita [1976], 345).
Mo Lē e Faitauina
O Tala o le Feagaiga Fou ua tusia faapitoa lava mo oe. Ua aumaia nei tala mai se tusi e paia. A e faitauina nei tala, ia manatua e faatatau i tagata moni lava sa ola i aso anamua.
Faitau ma faitau pea seia o’o ina e iloa lelei nei tala. O le a e manao foi e faitauina nei tala mai le Tusi Paia. I lalo o le tele o ata, o le a e vaai ai i faamatalaga e faasino i le mea e te maua ai lena tala i le Tusi Paia po o nisi tusi. Fai i lou tama, tina, faiaoga, po o sau uo e fesoasoani ia te oe e saili se tala i totonu o tusitusiga paia.
Afai e te le iloa le uiga o se upu, vaai i le vaega “O Upu e tatau ona Iloa” i le pito i tua o le tusi. Afai e te fia suesue atili e uiga i se nofoaga, vaai i le vaega “O Nofoaga e tatau ona Iloa”. Afai e te le iloa se tagata po o ai, vaai i le vaega “O Tagata e tatau ona Iloa”. O lenei tusi e i ai foi se vaega o loo i ai ata o nofoaga i le Nuu Paia ma se faasologa o mea na tutupu i le Feagaiga Fou.
Mo Matua ma Faiaoga
E mafai ona fesoasoani lenei tusi ia te oe e aoao atu ai tusitusiga paia. Ia faaaoga le vaega o “O Upu e tatau ona Iloa,” “O Nofoaga e tatau ona Iloa,” ma “O Tagata e tatau ona Iloa” e fesoasoani ai i tamaiti ia masani i upu, tagata, ma nofoaga o i totonu o lenei tusi. O nisi fesoasoani e maua i lenei tusi e aofia ai faafanua, ata, ma se faasologa o mea na tutupu.
Pe a e aoao atu, faasoa atu lau molimau e uiga i le Tusi Paia. Ia faamalosi atu ia i latou o loo e aoaoina ina ia saili ma le agaga tatalo a latou lava molimau e uiga i tusitusiga paia faapea foi ma le Faaola, o Iesu Keriso. O le a faateleina le malamalama o i latou o loo e aoaoina pe a e faitau atu ia i latou tala latou te fiafia i ai mai i totonu o le Tusi Paia.