Mataupu 29: Ua Savali Iesu i luga o le Vai

Jesus's disciples are in a boat on the Sea of Galilee in the midst of a storm - ch.29-1

Ina ua uma ona fafaga le 5,000, sa alu a’e Iesu i luga o se mauga e tatalo ai. Na ave e Ona soo le vaa e o atu ai i le isi itu o le Sami o Kalilaia. Ina ua oo mai le po, ua amata ona agi le matagi, ma ua maualuluga galu.

Mataio 14:22–24

Jesus walks over the water to get to the boat - ch.29-2

I le leva o lena po, na sau ai Iesu e faatasi ma Ona soo. Sa savali o Ia i luga o le vai e alu atu ai i le vaa.

Mataio 14:25

The disciples are afraid when they see Jesus walking on the water - ch.29-3

Sa iloa atu o Ia e le au soo o loo savali i luga o le vai. Sa fefefe i latou. Sa manatu i latou o Ia o se agaga. Sa valaau atu Iesu ia i latou, “O A’u lenei; aua tou te fefefe.”

Mataio 14:26–27

Peter walks on the water toward the Savior - ch.29-4

Sa manao Peteru e savali foi o ia i luga o le vai. Sa fai atu Iesu ia Peteru e sau ia te Ia. Sa alu i fafo Peteru mai le vaa. Sa amata ona savali o ia i luga o le vai e agai atu i le Faaola.

Mataio 14:28–29

Because of the strong wind Peter is afraid and begins to sink - ch.29-5

Ona sa agi malosi le matagi, o lea na amata ai ona fefe Peteru. Sa amata ona goto ifo o ia i le vai ma sa ia tagi atu ia Iesu e lavea’i o ia.

Mataio 14:30

The Savior takes Peter by the hand and asks why he is afraid - ch.29-6

Sa tago atu le Faaola i le lima o Peteru. Sa fesili atu o Ia ia Peteru pe aisea na le lava ai lona faatuatua.

Mataio 14:31

Jesus and Peter walked to the boat and the storm ceased - ch.29-7

Ina ua o mai Iesu ma Peteru i le vaa, sa pe le matagi. Na vivii uma atu le au soo i le Faaola. Sa latou iloa o Ia lava o le Alo o le Atua.

Mataio 14:32–33