Mataupu 32
Ua Molimau atu Peteru e uiga ia Keriso
Sa fesili Iesu i Ona soo po o le a le manatu o tagata po o ai Ia.
Na tali mai le au soo o nisi tagata sa latou manatu o Iesu o Ioane le Papatiso. O nisi sa latou manatu o Ia o se perofeta o le Feagaiga Tuai ua toe ola mai mai le oti.
Sa fesili Iesu i Ona soo po o le a so latou manatu po o ai Ia. Sa fai mai Peteru, “O oe o le Keriso, o le Alo o le Atua soifua.”
Sa faamatala e Iesu o le molimau a Peteru e lei maua mai ona o le poto o tagata. O lana molimau na maua mai e ala i le faaaliga mai le Atua.
Na folafola atu e Iesu ia Peteru o le a Ia tuu atu ia te ia le perisitua ma le pule e taitai ai Lana Ekalesia. Ma o le a maua ai e Peteru ma le au soo le pule e faatulaga ai le Ekalesia a Iesu i le lalolagi.
Na fai atu Iesu i Ona soo e aua nei vave ta’ua i nisi tagata o Ia o le Keriso. E tatau ona puapuagatia muamua o Ia, fasiotia, ma toetu mai le oti i le aso lona tolu.