Mataupu 58
O Simona ma le Perisitua
E toatele tagata i Samaria sa latou faalogo ma talitonu i le talalelei. Sa papatisoina i latou, peitai sa le i ai ia i latou le Agaga Paia.
Sa o Peteru ma Ioane i Samaria. Sa tuu o la’ua lima i luga o ulu o tagata ma tuu atu ia i latou le meaalofa o le Agaga Paia.
Sa vaai se tagata e igoa ia Simona o tuu atu e Peteru ma Ioane i tagata le meaalofa o le Agaga Paia. Sa iloa e Simona e mafai e Aposetolo ia e toalua ona tuu atu i tagata le meaalofa o le Agaga Paia aua sa i ai ia i laua le perisitua. Sa manao foi o ia i le perisitua.
Sa ofo atu e ia ia Peteru ma Ioane se tupe mo le perisitua. Sa ta’u atu e Peteru ia Simona e le mafai ona faatau e se tagata le perisitua. E tuu atu e le Atua i tagata amiotonu. Sa iloa e Peteru o Simona e le o se tagata amiotonu. Sa ia fai atu ia te ia ia salamo.