Mataupu 22

O Le Tagata ua i ai Agaga Leaga

Man with an unclean spirit - ch.25-1

Sa i ai se tamaloa sa nofo i se fanuatanu e lata ane i le Sami o Kalilaia, sa ia te ia se agaga leaga ma o lea sa ia faia ai ni amioga mata’utia. Sa saisai o ia e tagata i filifili e taofiofi ai, peitai sa ia momotuina filifili.

Mareko 5:1–4

The man with the unclean spirit cries and cuts himself with stones - ch.25-2

Sa i ai pea lea tagata i mauga ma ana i le ao atoa ma le po. Na tagi o ia i taimi uma ma selei o ia lava i maa.

Mareko 5:5

The man runs to meet Jesus as He disembarks - ch.25-3

I se tasi aso na oo atu ai Iesu ma Ona soo i se vaa i le isi itu o le Sami o Kalilaia. Ina ua alu ese le Faaola mai le vaa, na tamoe atu le tagata ia te Ia.

Mareko 5:1–2, 6

Jesus commands the unclean spirit to come out of the man - ch.25-4

Na fai atu Iesu i le agaga leaga e alu ese mai le tamaloa. Na iloa e le agaga leaga o Iesu o le Alo o le Atua. Na fai atu o ia ia Iesu e aua nei faatiga ia te ia.

Mareko 5:7–8

The unclean spirit says his name is Legion and begged Jesus to send them into the swine - ch.25-5

Ina ua fesili le Faaola i le agaga leaga po o ai lona igoa, na ia tali mai, “O Lekeono lo’u igoa,” o lona uiga e toatele. E toatele agaga leaga sa i totonu o le tamaloa. Na latou aioi atu ia Iesu e tuu i latou e ulu i tino o ni puaa sa latalata ane.

Mareko 5:9–12

The evil spirits enter the bodies of the swine and rush into the sea and drown - ch.25-6

Na ioe Iesu. Na o ese agaga leaga mai le tamaloa ma ulu i tino o puaa pe tusa ma le 2,000. Na taufetuli ifo puaa i lalo o se mauga ma agai atu ai i le sami ma malelemo ai.

Mareko 5:13

The men who cared for the swine ran to tell other people what had happened and they came and saw that the man wasn't wild anymore - ch.25-7

Sa o atu tagata na tausia le lafu puaa i le aai ma ta’u atu i tagata le mea na tupu. Na o mai tagata ma vaai ia Iesu ma le tagata sa i ai agaga leaga. Ae ua lelei ma atamai le tamaloa.

Mareko 5:14–15

The people were afraid of Jesus and asked Him to go away - ch.25-8

Na avea lenei mea ma mea ua fefefe ai tagata ia Iesu. Na latou fai atu ia te Ia ina ia alu ese. Na toe foi o Ia i le vaa.

Mareko 5:15–18

Jesus tells the man not to come with Him but go and tell his friends about how he had been healed - ch.25-9

O le tagata sa faamaloloina na manao e o ma Ia. Na fai atu le Faaola ia te ia e alu i lona aiga ma ta’u atu i ana uo le mea na tupu ia te ia.

Mareko 5:18–19

The man's friends marvelled at what he told them - ch.25-10

Na faamatala e le tamaloa i ana uo, ma ua ofo tele i latou i le matautia o le mana o Iesu.

Mareko 5:20