O ata o le Nuu Paia

(O numera o i totonu o puipui o numera ia o mataupu o tala ia sa tutupu i le nofoaga tonu o i le ata po o tala ane.)

Peteleema Sa fanau Iesu Keriso i le aai lenei. (5, 7)

Malumalu O se faatusa lea o le malumalu i Ierusalema i le mea lea sa aoao atu ai le talalelei e Iesu ma tuliese ai tagata sa faatauina ai manu mo taulaga. (1, 6, 9, 11, 13, 45, 56)

Sitepu i le Malumalu O sitepu moni ia sa agai atu i le malumalu.

Nasareta Sa tupu ae Iesu i le aai lenei. (2, 4, 9, 17)

Ierusalema Sa faaalu e Iesu ma Ana Aposetolo le tele o taimi i lenei aai e aoao atu ai. Sa maliu Iesu ma toetu mai iinei. (6, 39–40, 44–57, 63)

Vaitafe o Ioritana Sa papatisoina e Ioane le Papatiso ia Iesu Keriso i se mea o lenei vaitafe. (10)

O Le Vaomatua i Iutaia Na anapogi Iesu Keriso ma sa faaosoosoina e le tiapolo i le vaomatua ina ua mavae Lona papatisoga. (11)

Samaria Sa aoao atu e Iesu i le vaieli i lenei nuu se fafine e uiga i le vai o le ola. O le tele o tagata Iutaia e feitai i tagata o Samaria. (15, 58)

Kalilaia ma le Sami o Kalilaia E toatele tagata e talitonu o le tafa o lenei mauga o le mea lea sa tuu atu ai e Iesu le Lauga i luga o le Mauga. O Le Sami o Kalilaia o loo i tua atu. Na aoao atu e Iesu le talalelei i le tele o tagata, e aofia ai Ana Aposetolo, lata iinei. Sa faafilemu e Iesu le matagi i le Sami o Kalilaia. (18–22, 29, 34, 36)

Kapanaumi O mea nei sa faaleagaina i le aai o Kapanaumi. Sa faia e Iesu le tele o vavega i le aai lenei. (23–25, 30)

Kaisareia Filipi Sa molimau atu Iesu e uiga i Lona maliu ma le Toetu i le vaega lenei, ma sa molimau atu Peteru o Iesu o le Alo o le Atua. (32)

Ieriko I le faataoto i le Samaria agalelei, na toeitiiti lava a oti se tasi o tagata sa malaga i le ala e agai atu i lenei aai. (35)

Mauga o Tepa Atonu o le mea lea sa Liua ai Iesu Keriso. (33)

Togalaau o Ketesemane Na tatalo Iesu Keriso, sa puapuagatia mo a tatou agasala, sa faalataina e Iuta le Sekara, ma sa pueina i lenei togalaau. (51, 52)

Kolokota Atonu o iinei lea sa maliu ai Iesu Keriso i luga o le satauro. (53)

Tuugamau Togalaau Atonu o le nofoaga lea sa tanuina ai Iesu Keriso, ma toetu mai ai, ma talanoa ai ma Maria le Makatala. (53, 54)