Mataupu 8
O Le Tupu Amioleaga o Herota
Na ta’u atu e le Au Makoi ia Herota o Iesu o le a avea ma tupu. Sa manao Herota ia na o ia lava le tupu. Na fai atu o ia i ana fitafita e fasiotia pepe uma lava i Peteleema ma nuu lata ane.
Na ta’u atu e le agelu ia Iosefa e ave Maria ma Iesu i Aikupito, o se nuu e mamao ese atu ma Peteleema. O le a lē saili Herota mo Iesu iina.
Sa usitai Iosefa. Sa i ai Iosefa ma Maria ma Iesu i Aikupito a o fasioti e fitafita a Herota pepe uma i Peteleema ma nuu lata ane.
Ina ua mavae le oti o le Tupu o Herota, na ta’u atu e le agelu ia Iosefa e ave Iesu ma Maria ma toe foi i lo latou nuu. Na ave e Iosefa ia Maria ma Iesu i Nasareta, i le mea e saogalemu ai Iesu.