Mataupu 61

O Paulo ma Sila i le Falepuipui

Sa i ai se teine sa i ai se agaga leaga i totonu ia te ia. Sa fiafia tagata e faalogologo i tala a le agaga leaga e ala mai i le teine. Sa latou totogia tagata sa faigaluega ai le teine ina ia latou faalogologo ai ao tautala mai le agaga leaga.

Galuega 16:16

Soo se taimi lava e savavali ifo ai Paulo ma Sila, e mulimuli ai lava le teine. A o ia faia lena mea, e tautala mai le agaga leaga. I se tasi aso sa faatonu ai e Paulo le agaga leaga e alu ese mai le teine. Sa alu ese. Sa feitai tagata sa faigaluega ai le teine. Sa le mafai ona latou toe maua ni tupe.

Galuega 16:17–19

Sa ave e nei tagata ia Paulo ma Sila i taitai o lo latou aai. Sa latou fai atu ua faatupu e Paulo ma Sila le vevesi.

Galuega 16:19–22

Sa faatonu e taitai e sasa ia Paulo ma Sila ma tuu i le falepuipui.

Galuega 16:22–24

Sa tatalo Paulo ma Sila ma usu a la pese i lena po i le Tama Faalelagi. Sa lagona e tagata uma sa i le falepuipui. Sa faafuasei ona amata ona lūlū le laueleele. Ua matala faitotoa o le falepuipui.

Galuega 16:25–26

Sa ala i luga le leoleo o le falepuipui ma iloa atu ua matala ia faitotoa. Sa manatu o ia ua sosola ese pagota. Sa ta’u atu e Paulo i le leoleo o le falepuipui e aua le popole. Sa i ai uma lava pagota iina. Sa tootuli le leoleo o le falepuipui i tala ane o Paulo ma Sila ma aioi atu pe mafai faapefea ona laveai o ia.

Galuega 16:27–30

Sa aoao atu e Paulo ma Sila le talalelei i le leoleo o le falepuipui ma lona aiga. Sa papatiso i lena po le leoleo o le falepuipui ma lona aiga.

Galuega 16:31–33

O le aso na sosoo ai sa faasaoloto ai e taitai o le aai ia Paulo ma Sila. Sa o Paulo ma Sila i le isi aai e faia nisi galuega faafaifeautalai.

Galuega 16:35–40