Tala o Tusitusiga Paia
O Nofoaga e tatau ona Iloa

O Nofoaga e tatau ona Iloa

(O numera o i totonu o puipui o mataupu ia o loo ta’u atu ai ia mea sa tutupu i nei nofoaga.)

Faafanua 1: O Le Nuu Paia i le Taimi o le Feagaiga Fou

  1. Tamaseko Ao alu atu Paulo i lenei aai sa faaali atu Iesu ia te ia ma sa ta’u atu ia te ia ia salamo. (59)

  2. Kaisareia Filipi O iinei na molimau atu ai Iesu e uiga i Lona maliu ma le Toetu, ae molimau atu Peteru o Iesu o le Alo o le Atua. (32)

  3. Kalilaia Na tele se taimi na faaalu e Iesu i lea itu i le aoaoina atu o le talalelei ma le faamaloloina o ma’i. (19–20, 34, 36)

  4. Kapanaumi Sa tele ni vavega sa faia e Iesu i lenei aai. (23–25, 30)

  5. Sami o Kalilaia Na aoao atu e Iesu le talalelei i le tele o tagata e latalata i i. Sa faafilemu e Iesu le matagi ma savali i luga o le vai o le Sami o Kalilaia. (18, 21, 29)

  6. Kana Sa liua e Iesu le vai i le uaina i le ’aiga o le faaipoipoga sa faia iinei. Sa sau se tagata iinei e aioi ia Iesu e faamalolo lona atalii ma’i. (12, 16)

  7. Nasareta Sa tupu ae Iesu i lenei aai. (2, 4, 9, 17)

  8. Samaria Sa aoao atu e Iesu i lenei nuu se fafine sa i ai i le vaieli e uiga i le vai o le ola. O le tele o tagata Iutaia e feitai i tagata Samaria. (15, 58)

  9. Vaitafe o Ioritana Sa papatisoina Iesu e Ioane le Papatiso i le vaitafe lenei. (10)

  10. Iopa Ua toe faaola mai Tapita e Peteru. (60)

  11. Ieriko I le faataoto o le Samaria Agalelei, sa i ai se tagata sa malaga e agai atu i lenei aai, sa toeitiiti oti i le ala. (35)

  12. Ierusalema Sa faaalu e Iesu ma Ana Aposetolo le tele o taimi e aoao atu ai i lenei aai. Sa maliu Iesu ma toetu mai iinei. (6, 39–40, 44–57, 63) Tagai Map 2 mo isi tala na tutupu i Ierusalema.

  13. Petania O Lasalo, lea sa faaola mai e Iesu mai le oti, sa nofo iinei ma ona tuafafine o Maria ma Mareta. (43)

  14. Peteleema Sa fanau Iesu Keriso iinei. (5, 7)

map 1

Sami Meititirane

Sami Mate

Tamaseko

Kaisareia Filipi

KALILAIA

Kapanaumi

Sami o Kalilaia

Kana

Nasareta

SAMARIA

Vaitafe o Ioritana

Iopa

Ieriko

Ierusalema

Petania

Peteleema

Faafanua 2: Ierusalema i le Taimi o Iesu

  1. Kolokota Atonu o iinei lea sa maliu ai Iesu Keriso i luga o le satauro. (53)

  2. Tuugamau Togalaau Atonu o iinei lea sa tanuina ai Iesu Keriso, ma toetu mai ai, ma talanoa ai ma Maria le Makatala. (53, 54)

  3. Vaitaele o Petesa Sa faamalolo ai e Iesu se tagata i le Sapati iinei. (27)

  4. Malumalu O iinei sa folafola atu ai e le agelu o Kaperielu ia Sakaria o le a ia maua se atalii, o ia lea o Ioane le Papatiso. Na aoao atu Iesu i lenei malumalu. Sa Ia tutulia i fafo mai le malumalu ia tagata o ē sa faatau atu manu mo taulaga. (1, 6, 9, 11, 13, 45, 56)

  5. Togalaau o Ketesemane Na tatalo Iesu Keriso, sa puapuagatia mo a tatou agasala, sa faalataina e Iuta le Sekara, ma sa pu’eina i lenei togalaau. (51, 52)

  6. Mauga o Olive Na aoao atu Iesu iinei e uiga i Lona Afio Mai Faalua. (46)

  7. Fale o Kaiafa Atonu o le nofoaga lenei sa faamasino ai e taitai Iutaia ia Iesu, ma tuuaia o Ia i le solia o le tulafono. (52)

  8. Potu Aupito i Luga O le potu lea sa aai ai le Paseka a Iesu ma Ana Aposetolo, atonu o le vaega lenei sa i ai. Sa aoao atu muamua e Iesu Ana Aposetolo e uiga i le faamanatuga mo sina taimi puupuu ae le i alu atu o Ia i le Togalaau o Ketesemane. (49, 50)

map 2

Kolokota

Tuugamau Togalaau

Vaitaele o Petesa

Malumalu

Togalaau o Ketesemane

Mauga o Olive

Fale o Kaiafa

Potu Aupito i Luga