Mataupu 37
O Lepela e Toasefulu
Sa alu atu Iesu i se nuu laitiiti i le mea sa Ia vaai ai i lepela e toasefulu. O lepela o tagata e mama’i. O o latou ma’i e mafua ai ona i ai ni po’u mataga i vaega uma o o latou tino.
Sa le mafai ona fesoasoani fomai i tagata lepela. Sa fefefe tagata e latalata atu ia i latou. Sa le mananao i latou e mama’i foi.
Sa aioi atu lepela ia Iesu e faamalolo i latou. Sa latou iloa e mafai e Ia ona aveese o latou po’u.
Sa manao Iesu ia malolosi i latou. Sa Ia ta’u atu ia i latou e o ma faaali atu i latou lava i faitaulaga.
Sa faamaloloina ia lepela e toasefulu, a o latou aga’i atu i faitaulaga. Sa leai ni o latou po’u.
Sa iloa e se tasi lepela o Iesu sa faamaloloina i latou. Sa toe foi o ia e faafetai atu ia te Ia. Sa fesili Iesu po o fea o ai isi lepela e toaiva. E le i toe foi mai i latou. Sa ta’u atu e Iesu i le lepela lea sa toe foi mai e faafetai ia te Ia, o lona lava faatuatua na mafai ai ona malosi o ia.