Mataupu 7
O Le Au Makoi
Sa i ai makoi sa nonofo i se isi nuu. Sa latou iloa mea na ta’u mai e perofeta e uiga i le fanau mai o Iesu. Ina ua latou vaai i le fetu fou i le lagi, sa latou iloa ua fanau mai le tupu fou.
Na o atu le Au Makoi e vaai Herota, le tupu o tagata Iutaia, i Ierusalema. Sa latou fesili ia te ia po o fea o i ai le tupu fou. Na fai atu Herota e o e su’e i Peteleema. A latou maua le pepe ona latou toe foi mai lea e ta’u ia Herota.
Sa ō le Au Makoi i Peteleema ma maua ai Iesu. Na latou ifo atu ia te Ia ma avatu meaalofa mo Ia. Sa ta’u atu ia i latou i se miti e aua nei toe foi i Ierusalema ma ta’u ia Herota le mea o i ai le pepe. Sa le i o i latou.